افراح الزبني | حفل محمد منيف بن هدهود | اداء فهد العيباني وخالد الشليه وناصر الزبني وعبدالله البرازي

موال
فهد

يازبن الكايده الزبني عشير الطاري المحمود
صميدع ينهي كبار الهموم ويفتل اشنابه

عبدالله

اخو نفلا حزام الجنب شيخ الفعل ابن هدهود
خذاها من فعل يمناه بالميدان والجابه

____________

ناصر
.
عصمت القاف عن ماقف لحقه الشك والمنقود
مدار الفكر في اقصى فضاي مشرع رحابه

انا من وين ما نادى الوجوب تشوفني موجود
اجي واقلط على الكايد و اجمل مسّمع اللابه

هجوس يداعب الورقا من بروق وحنين رعود
تغطرس في ثنا اخصامه ، و تزعم في ثنا اصحابه

عبدالله
.
تضيق حدود شعار النبط ولا تضيق حدود
من بيوت الفصاحه والادب والمنطق اولابه

ما يربطني بافلاطون وسقراط الشهير عهود
لو ان الفلسفه في غطرسة الامتاع حرابه

يقولون الجبل …. واقول ما تهزه هبوب النود
ولا اصعب من علوه الا الثبات براس مرقابه

فهد
.
سلام الله على حرن هداده … يبري المضهود
رشيدين يجيب الصيده الجزله ب مخلابه

يا زبن الكايده الزبني عشير الطاري المحمود
صميدع ينهي كبار الهموم و يفتل اشنابه

اخو نفلا حزام الجنب شيخ الفعل ابن هدهود
خذاها من فعل يمناه ب الميدان والجابه

خالد
تشوف السمر شعاقه بوسط المحفل المارود
تراحيب العويّش حيّتن ، و النار لـهابـه

الا يا محمد ابن منيف يا سيف اللقى المجرود
يا سيفن مرهبن حده وتعجب ضربه انصابه

فعولك تبري العله وعلى العلم الرجال شهود
مقامك يبهج الخاطر ، و يسعد من تعزوابه

ناصر
.
ليا منه نصاك الي من ظروف الدهر مقرود
لقى الي يبشره عزه و لقى الي مشرعن بابه

لـرفيقه اصفى من العد القراح الوافر القرهود
يوقف ، و يقول الضيق يا لعنبوا من جابه

مواكيره على المشراف شامخ هامه ومسنود
يدوس الموت لعيون الرفيق الموت ما هابه

عبدالله
.
( يابن هدهود ) لا زادوا مناعير الرجال تزود
بفعلن يطلق الوجه و بماقف يحسب حسابه

عشقت الفزعة العجله ومد الطيبه والجود
مع كل البشر مطنوخ و النفع اتمادى به

عمامك ابن هدهود وخوالك عزوة ابن رشود
وش اللي باقين للفخر والتمجيد ما جابه

خذيت المرجله والطيب من راس الشجاع العود
منيف عويّش اللي كل منعورن تقدى به

فهد
.
يطول الفخر في قمه سماه و يبلغ المقصود
تعلى في سنام المجد و الطالات محرابه

سليل العزوة الي كل ما يطرون ارقا سنود
مطانيخ الزبون الفخر من ساسه ومنسابه

على دور المعارك يلبسون الجوخ والماهود
يقصون العدا بسيوف للاعمار سلابه

خالد
.
مقر المجد و التبجيل والهيبه حماة الذود
ليا قام الخطر يحدا وشبت قبس ونهابه

سلايل آهل الكفه لا حك العود راس العود
مقابيس الوغى سقم العدا ولـ نار شبابه

بني رشيد اسودن في ميادين الفعول تسود
زحول الفخر لامنه حكى التاريخ ب اسهابه

ليصلك جديد الشيلات اشترك بالقناة
--------------------------------------
استوديو جولدن ميديا
قناه مختصه بنشر الشيلات
رابط الاشتراك بالقناة
قناة جولدن ميديا الرسمية
http://bit.ly/2WiaWea
حساب سناب شات
  / goldenme.  .
--------------------------------------
لطلبات تسجيل الشيلات وحجز الاستوديو
whatsapp | واتس آب ►
0096594032322
--------------------------------------