Скачать или смотреть Амжилт бол барианы шугам биш.. | Олон улсын олимпиадын АЛТ, МӨНГӨН медальт сурагч Санчирболдын түүх

"Амжилт бол барианы шугам биш, харин дараагийн зорилгын эхлэл."

Энэ удаагийн Success Story цувралаар бид "Амжилт" кибер сургуулийн 10-р ангийн сурагч Санчирболдын урам зориг дүүрэн түүхийг хуваалцаж байна.

Тэрээр багаасаа л асуудлын шийдлийг олох, математикийн бодлогын ард нуугдсан логик, алгоритмыг бодит амьдралд хэрэгжүүлэхийг хүсдэг байсан нь өнөөдрийн амжилтынх нь эхлэл болжээ. Санчирболд нь IMOCSEA, NextGen, Copernicus, IMEC зэрэг олон улсын томоохон олимпиадуудад амжилттай оролцож, Япон улсад зохиогдсон олимпиадаас АЛТАН медаль, бусад төрлүүдээс мөнгө, хүрэл медалиуд энгэртээ гялалзуулсан шилдэг сурагч юм. Мөн Улсын Хиймэл Оюун Ухааны 2-р олимпиадын эхний шатанд шилдэг 50-д багтаж, дараагийн шатанд өрсөлдөх эрхээ аваад байна.

Бичлэгээс та юуг олж харах вэ?

Анхны олимпиадууддаа медаль авч чадаагүй ч хэрхэн тууштай хичээж, туршлага хуримтлуулан амжилтад хүрсэн тухай.

Ирээдүйд АНУ-д програм хангамжийн чиглэлээр суралцаж, дэлхийн мэдлэг соёлыг Монголдоо нэвтрүүлэх түүний том зорилго.

Математик бол шинжлэх ухааны хаан төдийгүй програмист болох хүний хамгийн гол суурь болохыг хуваалцах болно.

"Амжилтандаа битгий бардаарай, улам илүү хичээгээрэй!" - Энэ бол түүний өөртөө болон үе тэнгийнхэндээ өгч буй хамгийн үнэтэй зөвлөгөө юм.

Та бүхэн Санчирболдын цаашдын сурлага, хөдөлмөрт өндрөөс өндөр амжилт хүсээрэй! ✨

#AmjiltCyberSchool #SuccessStory #Олимпиад #Математик #Програмчлал #ХиймэлОюунУхаан #УрамЗориг #StudentSuccess