HONG DAMSAK IN KA DAM DING UH | Mary Vaiphei | Lyrics: T Pumkhothang

HONG DAMSAK IN KA DAM DING UH
(Jeremiah 17:14)

''Hong damsak in hileh dam ding hi'ng''

Music & Rec. : Thangjangam Khongsai (GOSPEL MUSIC STUDIO)

Processed At : GIBEON MEDIA



Hong Damsak In Ka Dam Ding Uh
Jeremia 17:14

T.Pumkhothang

Koute nunna kisia zouta,
Ka gam sung uh kisia zouta;
Siatna’n tuilian bang in hon tum,
Toupa aw hong damsak in aw.

Hong damsak in ka dam ding uh,
Hong honkhia in ka hing ding uh;
Bang dang hi kei a damna ding,
Toupa aw Nang kia na hi zaw.

Ka khutte uh a liam zouta,
Ka khete uh a liam zouta;
Hong tuam dam in ka dam ding uh,
Hong lawng in na damna khut in.

I nuntak zia ki ngaihsunni,
Manthatna khuk sung I kiak ma’n;
Toupa ang ah kipia ve ni,
Jesu lou damna a om kei.

Kumpi Jesu ka hon ngai uh,
Lemna Kumpi in hong ding in;
Koute zingvai hong hawm inla,
Damna kawlni hong suaksak aw.

5.3.2019

Track Link:   • TRACK | KAROAKE | MARY VAIPHEI |HONG ...