زان اللحن زان ياجو الطرب ( الشوط فالوضح له شعله ) جفران بن هضبان 2025 l يالي تحدى وعدنا نهار الوعيد

اشترك في منصة بصمة الإبداع الإعلامية وفعّل جرس التنبيه للوصول إلى أحدث إصدراته الفنية:
   / @basmhalebda3  

للتواصل والاستفسارات :
الحسابات الرسمية لـ منصة بصمة الابداع .

‏Official Whatsapp :
الرابط محادثة الواتساب المباشر :
https://wa.me/message/4GKUGHJQFDZTC1
+966562778026


‏Official Snapchat :
  / a_thane2  

‏Official Twitter :
  / a_thane2  

‏Official Instagram :
  / a_thane2  

ـــــــــــــــــــ

منقية محمد رشيد سلطان العتيبي

عديت بالجيب غرمولاً على متن حيد
رجماً خلا عنه من كل اللجهات حدبه

بين البشاره وملحه في وحيّد وحيد
كني مويقاً على الصمان والدبدبه

من نشوةً حلقتبي فالغلاف البعيد
يمكن لو ارخيت كفي للقمر تقظبه

زان اللحن زان يا جو الطرب زيد زيد
رجماً سماوي وبرادي وجمر خشبه

شاعر وحولي جماهيراً تحرا الجديد
وانا حرام اقتل الابداع والموهبه

الي ولد عماً محنك ورايه سديد
غنيت من طيب معروفه وطيب نسبه

صاطي وقلبه حجر وظلوع جنبه حديد
جرب صعاب الطروف وفاز فالتجربه

اليا قدم يظرب الدنيا براساً عنيد
ولا يقفي الابعد مايقفي بمطلبه

مايذبح الهينه ولا يمد الزهيد
سخاه فطره من الله والجزاله هبه

راحت يده بالعطايا جاوزة راحت ايد
مطر وعذباً فرات ودوحتاً معشبه

لا قالو اسرفت في مدحه تزيد وتعيد
اقول يالله ترحم شايباً عقبه

جر الظعن واحتزمبي يامحمد رشيد
انته عطاوي صميدع راس راخو رقبه

سند بصمخ البكار وهاك صمخ القصيد
بدعاً ليا اوحاه ذويق الشعر يعجه

ادفع لوضحاً تزاعم في نهار الشديد
لها حنين ورزيم وحنتمه ولجبه

لادفع مقهورها تقول هريب صيد
اشوي لا معك مقهوراً بدون جنبه

تهيد مالك لوا ياللي تباها تهيد
الياتصافق بدو والطرش له ظبظبه

اتبيد اهل الحلال وحيلها مايبيد
تطرح هذا ولهذاك تخيل ومطلبه

واللي ياباري لها سعيد ماهو سعيد
اتنقده في هل الذيدان وتشطبه

جب ناطحات السحاب ولا لهنه لديد
بنات هرشاً تغانا كل من ظربه

هرشاً راهوي سهاوي طلق من غير قيد
مسبله طيب الهقوات ومشببه

يوم السراوات تردم فالهداد وتزيد
كل يوم فمراح راعي ذود له قبقبه

بالرفع واللون ظلعاً مكتسيه الجليد
عديم الاوصاف من شافه يشوف عجبه

لاثار ثم استدار بهود لليلاً مهيد
يعلق الجدي والسبع على منكبه

ماهوب خطوا عظيدياً لحومه لبيد
بنته لاجاتك تدردح كنها الحبحبه

على كلاها الوبر منحت من كل حيد
تحك بثفانها فالبطن وتعظبه

ارويس ودويس وفخيذه وبطناً مسيد
تزاين الوجه والعرقوب ومدبدبه

تعاف منها البدو ويعوم فيها البليد
لولا كذا كان بار من الحلال اجربه

ونوماس بنته عطاها الله وصفاً فريد
مع زين طوق الظهر والمتن دق رقبه

مع صبة الوجه والعرنون راساً مكيد
طفحه وخده وحنحنه وجل كربه

نسق عليها بصفقاتاً تهز الرصيد
يالين سند ببوشاً مال وصفه شبه

ياللي تحدا وعدنا في نهار الوعيد
الجايزه دونها زحلاً يعكف شنبه

بمنومسات الصديق منزحات الظديد
يبا يضيق على الخصم ويمس حقبه

الشوط فالوضح له شعله وجمره وقيد
ياهل المزاين لاحد ياخذ بيده سببه

يالمورقي وانته حزامك حزاماً جويد
ربعاً تروم الصعاب وتنطح الموجبه

ذوي عطيه من عتيبه ومجداً تليد
دسنا على صابر التاريخ لين كتبه

قوماً هل سنان و اهل عنان يوم الحديد
اليا لقا فرصتاً على الحديد نهبه

تبا تعد اعقدانا كم عقيد وعقيد
وحساب فريسنا كل اسم رجل احسبه

قوينا خلق ذو سطوه وباساً شديد
وحليمنا اللي يدارون الرجال غضبه

شرابة الكيف ريف الضيف علماً وكيد
واهل سيوف ورماح وشلف ومسلبه

ياما ظوينا بطرش اهل الديار البعيد
الطرش عاداتنا نفتكه ونكسبه

المطرقين الشهيره من سبرها يحيد
السبر لاشاف وسم البوش هاب جنبه


يشهد لنا في فيافي نجد دكاك بيد
طرشاً ورثنا من عصور الجدود نخبه

حنا مصاليح ظاري والزمان الجديد
ياعنك ماحاف سمحات الوجيه سيبه

ياحبنا للخلا سموم ولا جليد
ماقد زبنا الرخا والبوش فيه رغبه