Yalan Dünya - ( Trend Musiqi ) - Baku AI Music 2024

Abunə olmağı unutmayın




Söz: MəhəmmədHüseyn Şəhriyar
Mus: Baku AI Music Group



Sənin bəhrən yiyən kimdir?
Kiminkisən, yiyən kimdir?
Sənə doğru deyən kimdir?
Yalan dünya, yalan dünya!

Atı əzəl dağa saldıq,
Yorulduqca dala qaldıq,
Atı satdıq, ulaq aldıq,
Yəhər oldu palan dünya.

Səni bayquşlar alqışlar,
Dəli viranəni xoşlar,
Dolan əqlə səni boşlar.
İçi boşla dolan dünya.

Ocaq ikən sönənmişsən,
Çanaq ikən çönənmişsən,
Nə pis qarı nənəymişsən,
Nağıl, yalan-palan dünya.

Biri ayna, biri pasdır,
Biri aydın, biri kasdır,
Gecə toydur, səhər yasdır,
Gül açdıqca solan dünya.

İgidlərin başın yiyən,
Qocalar bozbaşın yiyən,
Qəbirlərin daşın yiyən,
Özü yenə qalan dünya.

Yaman qurqu, yığılaydın,
Tufanlarda boğulaydın,
Nolaydı bir dağılaydın,
Bizi dərdə salan dünya.




© Bütün müəllif hüquqları " AI MUSIC MEDIA GROUP " tərəfindən qorunur!
Audio və video-vizual materialların nüsxələnməsinə icazə verilmir.

Google Partner ©

#bakuai #bakuaimusic #music #love #spotify #ai #cover #trending #şehriye #dünya #dunya #yalan #yalandünya #azeritrend #azeribassmusic #azerimahni #azeri