خطى الوداد

خطى الوداد

كلمات الاستاذ عثمان عوض ضرار

الحان واداء الفنان معاوية المقل
........
ﻭﻻ ﺻﺪﺍﻙ ﺇﺫﺍ ﻗﻠﺒﻨﺎ
ﺳﻴﺮﺓ ﺷﻮﻗﻨﺎ ﺃﺑﺪﺍ " ﺻﺪ
ﻭﻻ ﺭﺩﺍﻙ ﺣﺰﻳﻦ ﺍﻟﺤﺎﻝ
ﻭﻣﻜﺴﻮﻑ ﺑﺎﻝ ﻫﻮﺍﻳﺎ ﺍﻟﺠﺪ
ﻭﻻ ﺇﺗﺠﻨﻦ ﻋﻠﻴﻚ ﺣﺮﻓﻲ
ﻭﺭﻣﺎك ﺑﻲ ﻛﻠﻤﻪ ﻣﺎﺑﺘﺘﺮﺩ
ﻋﺸﺎﻥ ﻣﺎ ﺃﺑﻘﻰ ﻛﻠﻲ ﺳﺆﺍﻝ
ﻳﻔﺘﺶ ﻓﻲ ﺍﻟﻌﺬﺍﺏ ﻋﻦ ﺭﺩ
...
ﻏﺮﻳﺒﻪ ﺧﻄﻰ ﺍﻟﻮﺩﺍﺩ ﺗﺮﺟﻊ
ﻣﻦ ﺍﻟﺴﻜﻪ ﺍﻟﻨﺪﺍﻫﺎ ﺃﺷﻮﺍﻕ
ﻣﻦ ﺍﻟﺪﺭﺏ ﺍﻟﺒﻨﺎﺩﻱ ﻋﻠﻴﻚ
ﻳﻐﻨﻴﻚ ﻭﺍﻟﺤﻨﻴﻦ ﺩﻓﺎﻕ
ﻭﺃﻧﺎ ﺍﻷﻳﻘﻨﺖ ﺇﻧﻮ ﻫﻮﺍﻛﺎ
ﻋﻴﺪﻱ ﺍﻟﺪﺍﺳﻮ ﻓﻲ ﺍﻷﻋﻤﺎﻕ
ﻭﺷﻤﺴﻲ ﺍﻟﻤﺎﺑﺘﺨﻮﻥ ﻓﺠﺮﻱ
ﻭﺗﻐﻴﺐ ﻋﻦ ﻣﻮﻋﺪ ﺍﻹﺷﺮﺍﻕ
...
ﻭﻛﻨﺖ ﻣﻌﺎﻳﺎ ﺿﺤﻜﺔ غيمة
ﻟﻲ ﻓﺮﺡ ﺍﻷﺭﺽ ﺑﺎﻟﻄﻞ
ﻭﺷﻬﻘﺔ ﻭﺭﺩة ﻛﺎﻧﺖ ﻏﺎفلة
ﺗﺴﺄﻝ ﻭﻳﻦ ﻧﺪﺍﻫﺎ ﺭﺣﻞ
ﻭﺑﻴﻦ ﺃﻛﻤﺎﻣﻪ ﻧﺎﻣﺖ عتمة
ﻧﺎﻣﺖ كتمة ﺻﻴﻒ ﻭﻣﺤﻞ
ﻭﻓﺠﺄﻩ ﻳﻬﺐ ﻋﻠﻴﻬﺎ ﺭﺫﺍﺫ
ﻳﺠﻴﻬﺎ ﻛﻤﺎ ﺍﻟﻤﺤﻨﻪ ﻗﺒﻞ
...
ﻭﻛﻨﺖ ﻣﻌﺎﻳﺎ ﺣﻴﻞ ﺃﻧﻔﺎﺳﻲ
ﻓﻲ ﺍﻟﺰﻣﻦ ﺍﻟﻤﻌﺒﺄ ﻣﻮﺍﺕ
ﻭﺧﻴﻞ ﺇﺣﺴﺎﺳﻲ ﻭﻛﺘﻴﻦ ﺍﻟﺤﺮﻭﻑ
ﺗﺴﺒﻘﻨﻲ ﺑﻴﻬﺎ ﺃﺣﺼﻞ ﺍﻟﻐﻨﻴﺎﺕ
ﻭﺃﺩﻭﻥ ﻓﻲ ﺳﻤﺎ ﺍﻟﻠﻘﻴﺎ
ﺧﻮﺍﻃﺮ ﺃﺟﻤﻞ ﺍﻟﻠﺤﻈﺎﺕ
ﻛﻼﻡ ﻳﻤﻄﺮ ﻣﺤﻨﻪ ﻭﺷﻮﻕ
ﻭﻳﺸﺒﻊ ﺑﺎﻟﻨﺪﻯ ﺍﻟﻐﻴﻤﺎﺕ
...
ﺷﻨﻮ ﺍﻟﻐﻴﺮ ﻣﺴﺎﺭ ﺃﺣﻼﻣﻚ
ﺍﻟﻜﺎﻧﺖ ﺗﻤﺮ ﺑﻐﻨﺎﻯ
ﻭﺗﺘﺤﺴﺲ ﺣﻨﻴﻦ ﺃﻭﺗﺎﺭﻱ
ﺗﻀﺤﻚ ﻭﻳﺒﻜﻲ ﻟﻴﻬﺎ ﺍﻟﻨﺎﻱ
ﺷﻨﻮ ﺍﻟﻌﻜﺮ ﺻﻔﺎ ﺇﺣﺴﺎﺳﻚ
ﻭﻏﺒﺶ ﺑﻲ ﺟﻔﺎﻙ ﺫﻛﺮﺍﻱ
ﻭﻧﺴﺎﻙ ﺇﻧﻲ ﻣﺎﺑﻨﺴﺎﻙ
ﺇﻻ ﻳﻜﻮﻥ ﻓﻲ ﺫﺍﺗﻲ ﺳﻮﺍﻯ
...
ﺑﺤﺒﻚ ﻟﻮ ﺟﻔﻴﺖ ﺃﻭ ﺟﻴﺖ
ﺗﻄﺮﺯ ﻗﻠﺒﻲ ﺑﺎﻷﻓﺮﺍﺡ
ﺑﺤﺒﻚ ﺷﻮﻕ ﻳﻠﻮﻋﻨﻲ
ﻭﻳﺒﻜﻲ ﻋﻴﻮﻧﻲ ﻟﻴﻞ ﻭﺻﺒﺎﺡ
ﻭﻣﺎﺇﺗﺨﻴﻠﺖ ﺃﺑﺪﺍ " ﺇﻧﻲ
ﻣﻤﻜﻦ ﺑﻲ ﻫﻮﺍﻙ ﺇﺭﺗﺎﺡ
ﻷﻧﻮ ﺇﺣﺴﺎﺳﻲ ﺑﻴﻚ ﺇﺗﻤﺎﺩﻯ
ﻭﺇﺗﻤﺎﺩﺕ ﻣﻌﺎﻫﻮ ﺟﺮﺍﺡ

عثمان عوض ضرار