ယေရှုစာ ခရစ်တော် Rakhine ရခိုင်ဘာသာ Arakanese Myanmar Bandarban Khagrachari Bangladesh Marma

သူ့မာ သားယောက်ျား တစ်ယောက် မွီးဖွားလိမည်။
နင် ယင်းသားကို ယေရှု ဟို့ နာမည် မှည့်လီ၊
အကြောင်းကား သူစာ ကိုယ့်လူရို့ကို
သူရို့အပြစ်က ကယ်တင်လိမည်။”

“ဝန်လီး ရွက်ရို့ ပင်ပန်းသူရို့၊ နင်ရို့ အားကုံးသူ ငါ့တို့
လာလတ်ကတ်။ ငါ နင်ရို့ကို အနား ပီးမည်။

မှတ်ထားကတ်၊ မနုသသားတော်စာ ပြုဇုခြင်းကို
ခံရဖို့အတွက် ကြွလာစာ မဟုတ်၊ ယေကေလည်း
ပြုဇုဖို့အတွက် ကြွလာစာ ဖြစ်တေ အရာ
ကိုယ့်အသက်ကို စွန့်ရို့ လူအများကြီးကို
ကယ်ဆယ်ဖို့အတွက် ကြွလာစာ ဖြစ်တေ။”

“ထာဝရဘုရားစာ လောကသားရို့ကို ကောင်းကောင်း
ချစ်လီရေ။ ယင်းအတွက်န သူစာ ကိုယ့်မာဟိစာ
တစ်ပါးတည်း သားတော်ကို ဒေ
လောကတို့ ရွှတ်လိုက်လီရေ၊ အကြောင်းကား
သားတော်ကို ကျုံသူရို့စာ ပျက်စီးခြင်းတို့
မရောက်ဘိုင်းန ထာဝရအသက်ကို
ရကတ်ပတ်စီအတွက် ဖြစ်တေ။

ယေရှုစာ မာသကို ပြောလီရေ၊
“ငါ ကိုယ်တိုင် ပြန်ရှင်ထမြောင့်ဖို့သူ ဖြစ်တေ အရာ
အခြားလူကို အသက် ပီးဖို့သူလည်း ဖြစ်တေ။
ယင်းအတွက်န ငါ့ကို ကျုံသူစာ သီလားခကေလည်း
ပြန်ရှင်လိမည်။ အရာ ငါ့ကို ကျုံရို့ အရှင်ဟိသူစာ
တစ်ခါလည်း သီလိမည် မဟုတ်။ နင် ငါ့
စကားကို ကျုံရေလော?”

ယေရှုစာ သောမကို ပြောလီရေ၊
“ငါစာ လမ်းလည်း ဖြစ်တေ၊ မှန်ကန်ခြင်းတရားလည်း
ဖြစ်တေ အရာ အသက်လည်း ဖြစ်တေ။
ငါ့ကို အမှီမပြုကေ တစ်ယောက်လည်း အဖတို့
ရောက်နိုင်ကတ်လိမည် မဟုတ်။

ယေကေလည်း ဒေ ဟိသမျ အကြောင်းအရာကို
ရွီးလီစာ အကြောင်းကား၊ ယေရှုစာ ခရစ်တော်
ဖြစ်တေ အရာ သူစာ ထာဝရဘုရား၏ သားတော်လည်း
ဖြစ်တေဆိုစာကို နင်ရို့ ကျုံကတ်ပတ်စီအတွက်
ဖြစ်တေ။ အရာ နင်ရို့ ကျုံရို့ ယေရှုခရစ်တော်ကနီရို့
ထာဝရအသက်ကို ရကတ်ပတ်စီအတွက် ဖြစ်တေ။