Скачать или смотреть WAMEUNGANA NA MAJESHI MENGINE KUWASHIKA MKONO GEREZA LA WANAWAKE WILAYA YA MBOZI.

Kuelekea siku ya Wanawake duniani ambayo inaadhimishwa kila tarehe 8 mwezi wa 03 duniani kote, Mtandao wa Polisi Wanawake Mkoa wa Songwe (TPF Net) leo Machi 01, 2025 wametembelea wafungwa na mahabusu wanawake katika Gereza la Wilaya ya Mbozi na kutoa msaada wa vitu mbalimbali kwa matumizi ya wafungwa wa gereza hilo.

Awali ya yote akiongea kwa niaba ya Maofisa, Wakaguzi na Askari wa Majeshi mengine waliotembelea Gerezani hapo, Mwenyekiti wa TPF Net ambaye pia ni Afisa Mnadhimu wa Polisi Mkoa wa Songwe, Kamishna Msaidizi wa Polisi (ACP) Akama Shaaban amesema kwamba misaada hiyo imelenga kuwafariji na kuwapa elimu ambayo itawasaidia kipindi watakapomaliza vifungo vyao.

Misaada hiyo imehusisha baadhi ya vifaa, kama sabuni za kufulia na kuogea, taulo za kike , Soda na maji, Miswaki na dawa za meno, nyembe na Sukari, Mafuta ya kujipaka, Kandambili, Biskuti na Pipi pamoja na vifaa mbalimbali kwa matumizi ya kila siku kwa wanawake.

Kwa upande wake Mrakibu Mwandamizi wa Magereza Yusta Mdegella ambaye anatoka Ofisi ya Utawala ya Jeshi la Magereza Mkoa wa Songwe, Pamoja na mambo mengine amewashukuru Askari Polisi wanawake ambao waliungana naJeshi mengine na kufika katika gereza hilo na kuongeza kuwa kitendo hicho kinajenga ushirikiano wa wanawake katika majeshi na imani chanya kwa wafungwa kuwa askari wa Jeshi la Polisi na Majeshi mengine ni marafiki wa kila mmoja na wanawakumbuka wahalifu na wasio wahalifu katika majukumu yao ya kila siku.

Katika utoaji wa msaada huo ikiwa ni kuelekea siku ya maadhimisho ya kilele cha Wanawake Duniani ambacho maadhimisho hayo Kimkoa yatafanyika Wilayani Songwe na kushirikisha Jeshi la Polisi, Jeshi la Kujenga Taifa (JKT) Jeshi la Magereza, Jeshi la Zimamoto na Uokoaji pamoja na Idara ya Uhamiaji.