Скачать или смотреть Full Storyline 10 | ស្ថានីយ៍អវកាសអន្តរជាតិ (ខាងក្នុងមានអ្វីខ្លះ?) យានដឹកជញ្ជូនសូយូស ស្ថានីយ៍អវកាសចិន

ស្ថានីយ៍អវកាសអន្តរជាតិត្រូវបានសាងសង់និងដាក់ក្នុងគន្លងតារាវិថីដោយរបៀបណា?
ស្ថានីយ៍អវកាសអន្តរជាតិ (International Space Station) គឺជាសំណង់អវកាសដ៏ធំបំផុត ស្ថិតនៅក្នុងគន្លងតារាវិថី កម្ពស់ប្រមាណ ៤០០គីឡូម៉ែត្រពីដី ហើយធ្វើដំណើរជុំវិញផែនដីចំនួន ១៦ជុំក្នុងមួយថ្ងៃ ក្នុងល្បឿនរហូតដល់ទៅជិត ២៨០០០គីឡូម៉ែត្រក្នុងមួយម៉ោង។ តើស្ថានីយ៍អវកាសអន្តរជាតិនេះត្រូវបានសាងសង់ឡើងដោយរបៀបណា? ដោយប្រទេសណាខ្លះ? ហើយក្នុងគោលដៅអ្វី?

តើនៅខាងក្នុងស្ថានីយ៍អវកាសអន្តរជាតិមានអ្វីខ្លះ?
ស្ថានីយ៍អវកាសអន្តរជាតិ (ISS) ប្រៀបដូចជាផ្កាយរណបដ៏ធំមួយ ដែលវិលជុំវិញផែនដី ក្នុងល្បឿន ២៨០០០គីឡូម៉ែត្រក្នុងមួយម៉ោង ក្នុងរយៈកម្ពស់ ៤០០គីឡូម៉ែត្រ តែប៉ែកខាងក្នុងវិញ គឺជាមន្ទីរពិសោធន៍វិទ្យាសាស្រ្ត ដែលអាចទទួលអវកាសយានិក ពី ៣ ទៅ ៦នាក់ ឲ្យស្នាក់នៅជាប់ជាប្រចាំ។ តើខាងក្នុងស្ថានីយ៍អវកាសនេះមានរូបរាងបែបណា? តើគេរស់នៅលើនោះបានយ៉ាងដូចម្តេច (កន្លែងគេង បាយ ទឹក បង្គន់...)? តាមរយៈវីដេអូនេះ អវកាសយានិកបារាំង តូម៉ា ប៉េស្កេ (Thomas Pesquet) ដែលធ្លាប់ស្នាក់នៅទីនោះ ៦ខែ កាលពីពេលកន្លងមក ហើយបច្ចុប្បន្នកំពុងបំពេញបេសកកម្មលើកទីពីរនៅទីនោះ នាំលោកអ្នកឲ្យស្គាល់ប៉ែកខាងក្នុងស្ថានីយ៍អវកាសអន្តរជាតិ។ #ចក្រវាល #វិទ្យាសាស្រ្ត #ស្ថានីយ៍អវកាសអន្តរជាតិ

យានសូយូសទៅស្ថានីយ៍អវកាស៖ ដំណាក់កាល Rendezvous and Docking និង ដំណាក់កាលនៃការវិលត្រឡប់ពីស្ថានីយ៍អវកាសអន្តរជាតិ
ក្រោយបាញ់បង្ហោះចេញពីដី យានសូយូសហោះក្នុងគន្លងតារាវិថីជុំវិញផែនដី ក្នុងល្បឿនរហូតដល់ទៅ ២៨ ០០០គីឡូម៉ែត្រក្នុងមួយម៉ោង ពោលគឺល្បឿនប្រហាក់ប្រហែលនឹងស្ថានីយ៍អវកាសអន្តរជាតិ។ សំណួរសួរថា តើធ្វើយ៉ាងណាទើបអាចឲ្យយានពីរ ដែលធ្វើដំណើរក្នុងល្បឿនលឿនជាងគ្រាប់កាំភ្លើងរហូតដល់ទៅ១០ដង អាចហោះស្កាត់ជួបគ្នា និងតភ្ជាប់គ្នា នៅក្នុងទីអវកាសបាន?
ការធ្វើដំណើរពីស្ថានីយ៍អវកាសអន្តរជាតិត្រឡប់មកផែនដី តាមយានសូយូស ត្រូវចំណាយពេលសរុប ៣ម៉ោងកន្លះ ក៏ប៉ុន្តែ មុននឹងចាប់ផ្តើមដំណើរនេះ គេត្រូវត្រៀមរៀបចំជាមុនជាច្រើនសប្តាហ៍ ជាពិសេស គឺត្រៀមទីតាំងសម្រាប់យានចុះចត និងគណនាគន្លងផ្លូវ ដែលត្រូវធ្វើដំណើរ ដើម្បីអាចចុះចតឲ្យចំទីតាំងដែលបានកំណត់ ក្នុងល្បឿន ក៏ដូចជារង្វាស់មុំសមរម្យ សម្រាប់សុវត្ថិភាពរបស់អវកាសយានិក។

តើស្ថានីយ៍អវកាសចិននឹងមានទម្រង់បែបណា?
អស់រយៈពេល២ទសវត្សរ៍កន្លងទៅនេះ ចិនត្រូវបានគេផាត់ចេញមិនឲ្យចូលរួម ក្នុងស្ថានីយ៍អវកាសអន្តរជាតិ។ នៅពេលនេះ ចិនកំពុងរៀបចំដំឡើងស្ថានីយ៍អវកាសមួយផ្ទាល់ខ្លួនឯង ដោយផ្នែកទី១ នៃស្ថានីយ៍អវកាសនេះ ត្រូវបានបាញ់បង្ហោះ កាលពីថ្ងៃទី២៩ មេសា ២០២១ កន្លងទៅ។