ຳGo With Me - ໄປນຳດຽວ: ເມືອງສົບເບົາ ບ້ານເກິດຂອງພະນະທ່ານ ທອງລຸນ ສີສຸລິດ ປະທານປະເທດ ແຫ່ງ ສປປລາວ

ເມືອງສົບເບົາໄດ້ສ້າງຕັ້ງຂື້ນ ໃນວັນທີ 10 ຕຸລາ 1997 ເຊິ່ງໄດ້ແບ່ງອອກມາຈາກເມືອງຊຽງຄໍ້ໃນເມື່ອກ່ອນ ເມືອງຊຽງຄໍ້ແບ່ງອອກເປັນ 3 ເມືອງ ຄື: ເມືອງສົບເບົາ, ເມືອງຊຽງຄໍ້ ແລະ ເມືອງແອດ (ໃນປະຈຸບັນ) ເມືອງສົບເບົາຕັ້ງຢູ່ເຂດນໍ້າມ່າຕອນໃຕ້ ມີເນື້ອທີ່ທັງໝົດ 101.099 ຮຕ, ມີຊາຍແດນຕິດຈອດກັບ 6 ເມືອງຄຶ: ເມືອງມົກເຈົາ, ເມືອງລາດ ສສ ຫວຽດນາມ ແລະ ຕິດກັບເມືອງຊຳເໜືອ, ເມືອງວຽງໄຊ ເມືອງຊຽງຄໍ້. ຈາກຂໍ້ມູນໃນປີ 2017.ເມືອງສົບເບົາມີພົນລະເມືອງ 27,347 ຄົນ, ຍິງ 12,755 ຄົນ, ມີ 6 ເຜົ່າຊົນຄື: ເຜົ່າລາວພຸດ,ເຜົ່າລາວເທິງ,ເຜົ່າມົ້ງ, ເຜົ່າໄຕແດງ , ເຜົ່າໄຕດຳ ,ເຜົ່າອິວມຽນ, ແລະ ເຜົ່າຊິງມູນ.
ມີ 5 ກຸ່ມບ້ານຄຶ: ກຸ່ມບ້ານສົບຮາວ, ກຸ່ມບ້ານເມືອງຮັງ, ກຸ່ມບ້ານສົບເບົາ, ກຸ່ມບ້ານເມືອງລ້ອງ ແລະ ກຸ່ມບ້ານປ່າຮາງ-ຫ້ວຍຮຽງ ມີ 75 ບ້ານ, ມີ 4,362 ຄອບຄົວ. ໃນປີ 2017 ຍັງມີບ້ານທຸກຍາກ 29 ບ້ານ ຄົວເຮືອນທຸກຍາກຍັງເຫຼືອ 384 ຄົວເຮືອນ ເທົ່າກັບ 8,49% ຂອງຄົວເຮືອນທົ່ວເມືອງ ສາມາດປະກາດບ້ານພັດທະນາໄດ້ 35 ບ້ານ.
ເມືອງສົບເບົາຍັງເປັນບ້ານເກິດຂອງພະນະທ່ານ ທອງລຸນ ສີສຸລິດ ເລຂາທິການໃຫຍ່ ປະທານປະເທດ ແຫ່ງ ສປປລາວເຮົາ ເຊິ່ງພາບທີ່ແສນຈະອົບອຸ່ນທີ່ທຸກຄົນໄດ້ເຫັນຢູ່ນີ້ກໍ່ແມ່ນພາບຂອງເພິ່ນໃນຊ່ວງ ວັນທີ 22-23 ກໍລະກົດ 2021 ທີ່ທ່ານໄດ້ລົງຢ້ຽມຢາມບ້ານເກີດ ບ້ານນາຊອນ ເມືອງສົບເບົາ ແຂວງຫົວພັນ ເຊິ່ງບ້ານນາຊອນຈະພິເສດກວ່າບ້ານອື່ນອີກຢ່າງກໍ່ຄື “ຂົວອູ່ຂ້າມນ້ຳມ່າ” ຖ້າຈະເຂົ້າໄປຫາບ້ານນາຊອນ ເຮົາສາມາດໃຊ້ລົດຈັກ ຫຼື ຍ່າງຜ່ານຂົວອູ່ດັ່ງກ່າວເຂົ້າໄປ “ຂົວອູ່ດັ່ງກ່າວໄດ້ສ້າງ ຫຼື ສ້ອມແປງປັບປຸງຂື້ນໃຫມ່ໃນປິ 2007-2008 ເຊິ່ງໄດ້ທືນຊ່ວຍເຫຼືອຈາກ ທລຍ,ຍທຂ ແລະ ຊຸມຊົນ ມູນຄ່າການກໍ່ສ້າງລວມ 1.326.393.475 ກີບ

ເມືອງສົບເບົາມີຈຸດທ່ອງທ່ຽວທາງທຳມະຊາດຫລາຍໆຈຸດ ແຕ່ ຂໍແນະນຳອີກຈຸດຄື: ນ້ຳຕົກຕາດສາຍແດນ ເຂດພູສູງ
ບ້ານນ້ຳເຕີບ ເມືອງສົບເບົາ ເຊິ່ງຈະມີທັງນ້ຳຕົກຕາດທີ່ສູງຊັນ ສວຍງາມຕາມທຳມະຊາດ ແລະ ຍັງມີຮູບປັ້ນຕ່າງໆທີ່ເປັນຈຸດຖ່າຍຮູບໃຫ້ກັບເດັກນ້ອຍ ຄອບຄົວ ຫຼື ຜູ້ມາທ່ຽວຊົມຢູ່ບໍລິເວນສະຖານທີ່ແຫ່ງນີ້!
ແລະ ຂ້າພະເຈົ້າໄດ້ຂ່າວມາອີກວ່າຢູ່ເມືອງສົບເບົາຍັງມີວັດວາອາຮາມທີ່ເກົ່າແກ່ຫຼາຍແຫ່ງ ແລະ ຊ່ວງປີ 2016 ທີ່ຜ່ານມາ ໄດ້ມີການຄົ້ນພົບວັດແຫ່ງໜຶ່ງຕ້ັງຢູ່ບ້ານດ່ານຮົມ ຫ່າງຈາກເທດສະບານເມືອງສົບເບົາ ປະມານ16ກິໂລແມັດ ເປັນວັດເກົ່າແກ່ທີ່ຍັງບໍ່ມີໃຜຮູ້ວ່າສ້າງຂຶ້ນປີໃດ ແລະ ໃຜເປັນຜູ້ສ້າງ ເຊິ່ງໄທບ້ານກໍ່ພາກັນເອີ້ນວ່າ “ວັດບ້ານດ່ານຮົມ” ເພາະບໍ່ຮູ້ຊື່ຈຶ່ງເອີ້ນຕາມຊື່ບ້ານ.

ມາຮອດວັນທີ່ 27 ກໍລະກົດ ປີ 2022 ພຣະອາຈານ ຄອນສະຫວັນ ທຳມະວົງ ໄດ້ໂພສແຈ້ງລົງເຟສບຸກໃຫ້ຊາບວ່າ ວັດດັ່ງກ່າວມີຊື່ວ່າ “ວັດວິທູນ ໄຊຍາຣາມ”.
ເຊິ່ງຕາມຕຳນານກ່າວໄວ້ວ່າ: ວັດແຫ່ງນີ້ໄດ້ສ້າງຂື້ນໃນປີ ຄສ 1515 ລວມອາຍຸໄດ້ 500 ກວ່າປີ, ສ້າງໂດຍພະເຈົ້າວິຊຸນນະຣາຊ ເຊິ່ງວັດດ່ານຮົ່ມແຫ່ງນີ້ ໃນສະໄໝກ່ອນຂື້ນກັບເມືອງຊຽງຄໍ້ ອັນເປັນເມືອງທີ່ມີຄວາມຈະເລີນຮຸ່ງເຮືອງທາງດ້ານສາດສະໜາ ແລະ ປະຫວັດສາດອັນຍາວນານ ແຕ່ ມາຮອດປີ 1997 ເມືອງສົບເບົາໄດ້ສ້າງຕັ້ງຂື້ນ ເຊິ່ງໄດ້ແບ່ງໂຕອອກມາຈາກເມືອງຊຽງຄໍ້ນັບແຕ່ນັ້ນມາຈົນເຖິງປະຈຸບັນ ວັດດັ່ງກ່າວຈຶ່ງໄດ້ຂື້ນກັບເມືອງສົບເບົານັ້ນເອງ
ຫາກໃຜໄດ້ໄປທາງເມືອງສົບເບົາກໍ່ຢ່າລືມໄປກາບໄຫວ້ຂໍພອນກັນເດີ
ຄິບນີ້ກໍ່ຂໍຈົບພຽງເທົ່ານີ້ ພົບກັນໃຫມ່ໃນຄິບໜ້າ ຢ່າລືມກົດໄລ້ ກົດແຊ ກົດຕິດຕາມໃຫ້ຊ່ອງ Taiban Studio ແດ່ເນີ ຂໍຂອບໃຈ

สมัครเป็นสมาชิกของช่องนี้เพื่อเข้าถึงสิทธิพิเศษต่างๆ
   / @taibanstudio  

ເປັນກຳລັງໃຈໃຫ້ພວກເຮົາໄດ້ສ້າງຄລິບໃຫມ່ອອກມາເລື່ອຍໆ ດ້ວຍການກົດໄລ້ ກົດຕິດຕາມ ແລະ ແຊຄລິບຂອງພວກເຮົາອອກໄປ ນອກນີ້ຍັງສາມາດຕິດຕາມພວກເຮົາໄດ້ທາງເຟສບຸກແຟນເພສ:
  / taibanstudio2023  
Line ID: anuruk_technology
#TaibanStudio #Taiban