Скачать или смотреть Vətən Sağ Olsun -lll

Vətən Sağ Olsun -3 Xüsusi Tapşırıq
"Vətən Sağ Olsun!"
“Vətən Sağ Olsun” layihəsinin ilk buraxılışı 2008-ci ildə Gənclər və İdman Nazirliyi tərəfindən bütün Hərbi Qoşun növləri ilə, 2013-cü ildə isə Daxili İşlər Nazirliyinin Daxili Qoşunlarının “N” saylı Hərbi Hissəsində “Vətən Sağ Olsun 2 – Çağırarsa Vətən” adı altında həyata keçirilmişdir. Növbəti dəfə layihə “Vətən Sağ Olsun 3 – Xüsusi tapşırıq” adı ilə reallaşır.
Yarışın əsas məqsədləri:
Gənclər arasında hərbi vətənpərvərlik, Vətənə sədaqət, Vətəni qorumaq kimi müqəddəs hisslərin daha da gücləndirilməsi ilə yanaşı, gənclərin daha da mətin, mübariz və cəsarətli olması üçün stimul yaratmaqdır.
Yarışın iştirak şərtləri:
Yarışda 18 – 23 yaş arası hərbi xidmətdə olmayan oğlan və qızlar iştirak edə bilərlər.
Yarışda iştirak etmək üçün müraciət edən gənclər ilkin mərhələdə Yarışmanın Təşkilat Qrupu tərəfindən təşkil olunmuş yoxlamadan keçdilər.
• hərbi Tibbi Müayinədən keçərək sağlamlıq haqqında arayış alırlar;
• növbəti mərhələdə hərbçilərdən ibarət komissiya tərəfindən fiziki normativlərə uyğun olub-olmaması yoxlanılır (bu tapşırıqlara müəyyən məsafəyə qaçış, hündürlükdən tullanma, kəndirlə dırmanma, turnikdə dartınma aiddir);
• üçüncü mərhələdə peşəkar psixoloq baxışından keçirlər.
Sonda ən yüksək bal toplamış ilk 10 nəfər oyuna iştirakçı qismində seçilir.
Sonra iştirakçı hüququ qazanmış gənclər layinənin reallaşdırılacağı hərbi hissəyə göndərilirlər.
Yarışın gedişatı:
Yarış iştirakçılarını hərbi hissədə, ilk olaraq, onlara təyin edilmiş kapitan və komandir qarşılayır.
Kapitan – yarış iştirakçılarının hər birinin hazırlığına cavabdeh olan şəxsdir.
Komandir – yarış iştirakçılarına verilən hərbi tapşırıqları təyin edən, düzgün, tələblərə uyğun yerinə yetirilməsini yoxlayan və qiymətləndirən şəxsdir.
Kapitan iştirakçıları hərbi hissənin qaydaları ilə tanış edir və onlara təlimat keçir.
Kapitan yarış iştirakçılarına mərhələli şəkildə bütün tapşırıqları başa salır və praktiki olaraq onları bu tapşırıqlara hazırlayır .
İştirakçılarla gündəlik hazırlıqlar ən sadədən mürəkkəbə doğru davam edir:
• “Əsgərin yaddaş kitabçası”ndakı qaydaları öyrənmək;
• sıra duruşu;
• avtomatın təyinatı və sökülüb-yığılması, təmizlənməsi;
• düşmən atəşi altında irəliləmə üsulları;
• döyüş şəraitində silah-sursatın daşınması və çatdırılması;
• qumbaranın atılma qaydası;
• tapancadan istifadə qaydaları;
• kütləvi qırğın silahlarından müdafiə üçün fərdi qoruyucu vasitələrindən istifadə etmə;
• “düşmən əhatəsində” yaşam mübarizəsi;
• tank və hərbi maşınlarla döyüş hazırlığı;
• helikopterlə döyüş bölgəsinə enir.
İştirakçılar komandirin gündəlik tapşırıqlarını yerinə yetirməyə başlayırlar.
Tapşırıqlar təlim-məşq zamanı iştirakçılara öyrədilən dərslər əsasında tərtib olunur.
Yarış hissəsində iştirakçılar, artıq, əsgər hesab olunurlar. Komandir tərəfindən verilən tapşırıqları mükəmməl və vaxtında yerinə yetirmək üçün mübarizə aparırlar.
Hər bir iştirakçıya eyni tapşırıq verilir. Normativlərə uyğun olaraq, qaliblər ən çox xaldan aza doğru sıralama ilə təyin olunurlar.
Hər günün sonunda ən az xal yığan iştirakçı müəyyən edilir. Yarış boyunca gündəlik əldə olunan ballar iştirakçının şəxsi işində qeyd olunur.
Son mərhələdə ən yüksək bal yığan üç iştirakçıya “Xüsusi tapşırıq” verilir. Bu mərhələnin qalibləri I, II və III yer sahibi olaraq mükafatlandırılacaqlar.
Yarış iştirakçılarının mükafatlandırılması:
Sonda təntənəli mükafatlandırma mərasimi keçirilir. Burada komandir yarışın keçirildiyi ordu rəhbərliyi qarşısında hesabatla çıxışı edərək hər bir iştirakçı haqqında məlumat verir və qalibləri elan edir. Həmin hesabat tam olaraq rəsmi sənəd hesab olunur. Qaliblər pul mükafatı və müxtəlif hədiyyələrlə təltif olunurlar.
Yarışın işıqlandırılması:
Layihə “MZ Production” tərəfindən istehsal olunaraq İctimai Televiziyada 10 həftə müddətində, həftədə bir dəfə olmaqla, yayımlanacaq.
Yarışın mümkün qədər geniş auditoriyaya təqdim olunması üçün yayımında bütün mövcud vasitələrdən – televiziya, internet, sosial mediadan istifadə olunacaq.
İştirakçıların asudə vaxtlarından, eləcə də kadrarxası məqamlardan müşahidə xarakterli videoçarxlar də təqdim ediləcək. Eyni zamanda, hər iştirakçı haqqında da xüsusi təqdimat çarxları hazırlanacaq.
QEYD:
Layihənin həyata keçirilməsi zamanı COVİD-19 Pandemiyasının bütün tələb və qaydalarına ciddi əməl olunub.

Sosial Media Hesaplarımız;
YouTube Kanalımız ►    / mzproduc.  .
YouTube ► https://www.youtube.com/channel/UC-ZE...
Cizgi Sayfamız ► http://www.mzproduction.az/az/

Facebook ►   / mzproduction