adara wanthaayange dinaya

(දඹුල්ල කාංචන කුමාර ආරියදාස)
2024.02.13
සසර නිමා කිරීම සඳහා එකට ගමන් කරන වියපත් ආදර යුවළ.

පෙබරවාරි මස 14 වන දින ලෝකයම පෙම්වතුන්ගේ දිනය සමරද්දී වියපත් ආදර ජෝඩුවක් තම සසර ගමන දෙදෙනාම එකට අවසන් කිරීමේ අරමුණ ඇතිව ජීවත් වන කතාවක් කලා වැව අවකන කොටාගල ප්රදේශයෙන් අපට වාර්තා විය.
වයස අවුරුදු අසූ එකක් වූ එන්. ජී. ජී . විජේසිංහ මහත්මයාත් වයස අවුරුදු හැත්තෑ හතරක් වූ බී.ආර් .හීන් මහත්මිය දෙදෙනාම විවාහ වී දශක පහකට අධික කාලයකි.
දරුවන් හය දෙනකු මෙලොවට බිහිකොට ඔවුන්ගේ සියලු ඕනෑ එපාකම් ඉටුකර දී තවමත් මෙම දෙදෙනා තනිව ඉතා ආදරයෙන් නිවසේ සතුටෙන් ජීවත් වෙයි.
මෙම ආදරණීය යුවළ වර්තමාන පෙම්වතුන්ට විශාල පණිවිඩයක් මෙන්ම ආදර්ශයක් දෙමින් කියා සිටින්නේ ආදරය මහළු නොවන බවය. පළමුවෙන් ආදරය කොට විවාහ ගිවිස ගැනීමෙන් පසුව එම ආදරයේ කිසිදු අඩුවක් නොමැතිව එකිනෙකාට ආදරය ගෞරවය කරුණාව දැක්වමින් ජීවත්වීම නිසා තමන්ට මෙම සාර්ථක යුග දිවිය ගත කිරීමට හැකි වූ බව මෙම යුවළ කියයි.
මෙම දෙදෙනාගේම එකම බලාපොරොත්තුව රටට සමාජයට වැඩදායී පුරවැසියන් බවට පත්ව තමන් අදහන ආගම අනුව පින් දහම් කරගෙන දෙදෙනාම එකට නිවන අවබෝධ කර ගැනීම බව ඔවුන් කියයි.
දිනපතා බුදුන් වැඳ තම බිරිඳ තමාගේ දෙපතුල අල්ලා වඳින පුරුද්ද අතීතයේ සිට මේ දක්වාම සිදුවන බව ඔහු ආඩම්බරයෙන් සඳහන් කරන්නට විය එමෙන්ම තම සැමියා ද අතීතයේ සිටම තමාට දැඩිව ආදරය කරමින් ලඟින් හිඳ කිසිදු ආකාරයකින් තනි නොකර රැක බලා ගත් බවත් එම කළගුණ සැලකීමෙන් ආදරයට වඩා ඉහළ ගිය ගුණාංගයක් බව හින් මහත්මිය අප සමග පැවසුවාය.
ජීවිතයේ අනේක දුක් කරදර ගැහැට මැද දරුවන් හය දෙනෙකු හදා වඩා උගන්වා එම අයට අවශ්ය පහසුකම් සියල්ල තම දෙපළ විසින් සපයා දී තිබෙන බවත් මෙම ආදරණීය යුවළ දැනට තනිවම දෙදෙනාට හැකි ආකාරයෙන් කිසිදු දරුවකුට බරක් නොවීම ආහාර පිසගෙන දෙදෙනා එකට වාඩි වී එදා සිට අද දක්වාම ආහාර ගන්නා බවද ඔවුන් සඳහන් කරන්නට විය.
රාත්රී කාලයේ තම ආදරණීය සැමියා ඉතා අලංකාර ගීත ගායනා කරමින් තමන්ව සතුටු කරවන බවත් අදට ද එය ඒ ආකාරයෙන්ම සිදුකරන බව මව සතුටෙන් අප සමග ප්රකාශ කළ අතර ඔහු අප ඉදිරියේද තම ආදරවන්තිය වන බිරිඳ ඉදිරියේ ගීතවත් විය.
තමන් මතු ආත්මයේ මන්ගේ බිරිඳවන්නට හෝ තමන්ගේ සැමියා වන්නට කිසිදු ප්රාර්ථනාවක් නැති බවත් දෙදෙනාම පින් දහම් කරගෙන මෙම සසර කතරෙන් එතෙර වීම සඳහා උනන්දු වීම පමණක් සිදුකරන බව ද ජීවිතය ආදරය සතුටින් විඳගනිමින් මෙම සසර නිම කිරීම තම දෙදෙනාගේම අරමුණ බව ඔවුන් පැවසූහ.
පවුල් ජීවිතය ගතකරද්දී ඉඳහිට දෙදෙනාගෙන් එක් අයෙකුට සුළු වශයෙන් කේන්තියක් ගිය විට පැය කිහිපයක් ගතවිත් වූ කල කේන්ති ගිය කෙනා නැවත පැමිණෙන්නේ විහිළුවක් කරමින් එය අවසන් කිරීම දෙදෙනාගේම සම්මුතියක් වී තිබෙන බවද ඔවුන් අප සමඟ සඳහන් කළේ දැඩි ආඩම්බරයෙන් යුතුවය

තමයි බිරිඳගේ සහ තමන්ගේ වෙනස නිවසේ සිටින අවස්ථාවේදීත් පිටත යන අවස්ථාවේදීත් ඉතා පිරිසිදුව ජීවත් වීම බවත් ඔවුන් සඳහන් කළේය. වර්තමානයේ සමාජය ආදරය පිළිබඳව මීට වඩා ගැඹුරින් සිතා බලා තමන්ගේ බිරිඳටත් සැමියාටත් එක සේ ආදරය කිරීම සිදු කළ යුතු බවද මෙම යුවළ කියයි. ආදරය මහලු නොවන නිසා තම දේපල අදටද පෙම් වතුන්සේ සතුටින් අවබෝධයෙන් ජිවත්වන බව කියයි