Скачать или смотреть Balik tanaw sa naging buhay ni Jaclyn Jose

Si Mary Jane Santa Ana Guck o mas kilala sa tawag na Jaclyn Jose ay ipinanganak noong October 21, 1963 sa Angeles city, Pampanga. Pangalawa siya sa anim na magkakapatid. Ang kapatid niyang si Veronica Jones ay naging artista rin noong 1970s at 1980s. Ang nanay ni Jaclyn na si Rosalinda Santa Ana ay isa ring aktres sa mga zarzuela noon.

Ang zarzuela ay isang dulang may kantahan at sayawan, na mayroong isa hanggang limang kabanata. Ito'y nagpakita ng mga sitwasyon ng Pilipino na may kinalaman sa mga kuwento ng pag-ibig at mga pang araw-araw na nangyayari sa atin.

Ang tatay naman ni Jaclyn ay isang Amerikano na nakabase sa Clark Air Base noon. Ang kanyang magulang ay naghiwalay noong apat na taon gulang pa lamang siya.

Si Jaclyn ay may dalawang anak, si Gwen Garimond Ilagan Guck at ang napakagandang si Andi Eigenmann na anak niya kay Mark Gil.

Maituturing si Jaclyn Jose bilang isa sa mga pinakamahusay na artista sa Pilipinas at sa buong mundo. Nakapagtamo siya ng napakaraming mga award tulad ng limang Gawad Urian Awards, dalawang Luna Awards, Famas Award, Cannes Film Festival Award at marami pang iba.

Nagsimula si Jaclyn sa kanyang karera sa pag-arte noong 1984, kung saan siya ay naging bida sa mga drama hits tulad ng "Chicas" at "Private Show," na kung saan nakuha niya ang kanyang unang nominasyon sa FAMAS Awards. Sa sumunod na taon, siya ay pinuri sa pelikulang "White Slavery" ni Lino Brocka, na nagbigay sa kanya ng kanyang unang nominasyon sa Gawad Urian. Ngunit ang kanyang napakagaling na pagganap sa pelikulang "Takaw Tukso" noong 1986 ang nagbigay sa kanya ng Best Actress award sa Gawad Urian. Patuloy niyang pinaghusayan ang kanyang pag-aarte, at noong 1996 nakamit niya ng kanyang unang Luna Award para sa kanyang papel sa "The Flor Contemplacion Story."

Ngunit, isang napakalungkot na pangyayari ng ibinalita na pumanaw na ang batikan at napakagaling na artistang si Jaclyn Jose noong March 2, 2024. Kinumpirma ito ng kanyang anak na si Andi Eigenmann na namatay siya dahil sa myocardial infarction o heart attack.

Matatandaan natin noong 2016 na nagwagi si Jacklyn Jose bilang kauna-unahang Filipino na nanalo ng Cannes Film Festival Award for Best Actress sa pelikulang Ma'Rosa. Siya rin ang kauna-unahang South East Asian na nanalo sa Cannes sa Best Actress category na ito.

#jaclynjose
#filipina
#filipinaactress

Bagama't wala na siya, nag-iwan si Jaclyn Jose ng tatak at napakaraming alaala sa atin, lalong lalo na sa pagpapakita ng kanyang walang-kamatayang galing sa larangan ng pag-arte.