උදය - Udya (සිරි ගුණසිංහ -Siri gunasinghe)

#sinhala #සිංහල #fullstory #vichara #sinhala #class10 #foryou #foryoupage #foryourpage#speech#sinhalanews#sinhalagossip
මුලාශ්‍රය 01.
"උදය"
පෙරදිග ගොරහැඩි රකුසෝ
මගේ ධ්‍යානය ඇයි කඩන්නේ
නිදාගන්න පොරවගත්ත කලු රෙදි පොට
මොකටද මේ තීරුවලට ඉරා දමන්නේ.

කුරුල්ලන්ට ගල් ගහලා උන් හොඳටම බිය කරලා
මල් පොහොට්ටු තිගැස්සිලා කඳුලු හෙළනවා.
ඇස් දෙක මම අරින්නෙ නෑ තුරුලු කරන් භාවනාව
නැවතත් යන්නට යනවා මම මගේ දැහැන ලෝකයට ම.
සිරි ගුනසිංහ - (1925 - 2017)
..........................................................................
මුලාශ්‍රය 02
"කම්හලේ නළා හඬ දුමෙන් වැසී ගත් තෙල් ගඳ සහිත අවට වාතය රැව් දෙමින් යයි. හැමදාම උදෑසන කම්කරු ජනපදය තුළ ඒ නලා හඬ පැතිර යත් ම ඇඳිරි ගෙවල්වල සිටින මිනිස්සු බියගත් කැරපොත්තන් මෙන් පාරට දිව එති. දිරාපත් මස්පිඩුවලට නිසි විවේකයක් ඉකුත්ව තුළ දී ලබා දීමට අපොහොසත් වූ ඔවුහු මූසලයන් මෙන් හිමිදිරි පාන්දර, ගුරු පාර ඔස්සේ උස් තාප්පවලින් වටවූ කම්හල කරා ගමන් කරත්. කම්හල ඔවුන් බලාපොරොත්තු වූයේ උදාසීන ගතියකිනි. කම්මලේ විදුලි පහන් කීපය අවට අඳුර නැති කිරීම් වස් මළානික ආලෝකයක් ඇති කළේ ය. කුණු සහිත මඩ ගොඩ යන්නවුන්ගේ පා ගැටීම් නිසා 'චර..චර' හඬ නැගෙයි. නිදිබර ඔවුන්ගේ ගොරහැඩි හඬ අතරින් පතර ඇසේ. පරුෂ වචන හා දෙස් තැබීම් අවට වාතය විනිවිද යන්නේ කෝප වූ විටෙක මෙනි. කම්හල බලා යන මිනිසුන් මුණගැසීමට ඉදිරියට එන්නේ වාෂ්ප බලයෙන් ක්‍රියාකරන යන්ත්‍රවල අමිහිරි හඬ ය. කම්කරු ජනපදය මැද සිට වූ රූස්ස ලී කඳන් මෙන් නැගී සිටි කළු පැහැති දුම් කුළුණු අහස දෙසට එල්ල වූ පහන් කණු සේ ය."
"අම්මා" - දැදිගම වී රුද්රිගෝ 2012 - සුසර ප්‍රකාශකයෝ - කොළඹ 11