Скачать или смотреть Liefdesdriehoek in Hoedspruit

Hoedspruit, 4 Mei - Die witrenoster, Esmé, die herdershond, David, en Mielie, die skaap, is onafskeidbaar. Die drie het ‘n liefdesdriehoek by die Hoedspruit- Bedreigde Spesiesentrum aangeknoop. Dié vreemde vriendskap het in 2017 begin toe Esmé as kalfie na die sentrum gebring is omdat haar ma ‘n melktekort gehad het. Sy was tóé nog nie eers ‘n maand oud nie. David was self maar agt weke oud en die twee het gou onafskeidbaar geword. In 2019 het die sentrum vir Mielie as lammetjie verwelkom om ‘n surrogaatma te word. Dit het nie veel aanmoediging geverg vir die vriendskap van twee om na drié uit te brei nie en vandag speel hulle omtrent ‘n hond uit ‘n bos.