Скачать или смотреть BINTI WA MIAKA 12 AKUTWA AMEFARIKI KWENYE MIKOKO MTWARA| NI MWANAFUNZI WA DARASA LA TANO

Binti aitwae Sumaiya Hassan Mataka, (12) Mkazi wa Mtaa wa Ufukoni Stendi maarufu kama Libya Manispaa ya Mtwara Mikindani, anayesoma Darasa la Tano Shule ya Msingi Ufukoni, amekutwa kwenye Mikoko leo Novemba 22, 2025 akiwa amefariki dunia baada ya kutafutwa tangu Jana Novemba 21, bila mafanikio.

Binti huyo alienda kuokota Embe Mtaa wa Mangowela Jana Novemba 21, akiwa na wenzake, na baadae alirudi nyumbani akiwa mwenyewe, kisha majira ya Mchana aliaga nyumbani kuwa anaenda tena kwenye Embe kuwafuata wenzake na hapo hakufika tena kule kwenye Embe na nyumbani alishatoka na kuanzia hapo hakuonekaba tena.

Faida Online tv tumefika eneo la tukio mapema hii leo na kushuhudia Mwili wa Mtoto huyo asiye na hatia ukiwa umelala Juu ya Tope ndani ya Msitu wa miti ya Mikoko Pembezoni mwa fukwe ya bahari na bado mpaka sasa haijafahamika nini kimemkumba Mtoto huyo.

Watu ambao wamezungumza na Faida Online TV wakiwa kwenye tukio hilo, wamepokea Kwa masikitiko Makubwa tukio hilo huku wakilaani kile kilichotokea.

Mwenyekiti wa Mtaa huo wa Ufukoni Stendi Ndg. Abduli Salumu, amesema Binti huyo amekutwa akiwa amefunuliwa Gauni lake huku akihisi kuwa pengine kuja jambo ambalo amefanyiwa ambalo hakuliweka wazi. "Tumeokota nguo zake na tumekuta Gauni lake likiwa limefunuliwa kwa upande wa chini, kuna vitendo vinaashiria huyu Mtoto amefanyiwa sasa tunampeleka Hospitali" amesema Mwenyekiti.

Kwa upande wake Kamanda wa Polisi Mkoa wa Mtwara SACP Issa J. Suleiman alipozungumza na Faida Online tv kwa njia ya Simu amesema anasubiri ripoti kamili kutoka kwa Daktari kisha atatoa Uthibitisho wa jambo hilo.

Faida Online tv tutazidi kufuatilia ili kujua chanzo cha kifo hicho.

Tufuatilie kwenye Mitandao ya Kijamii
👉 YouTube, Instagram, X na Facebook
👉 Faida Online TV.