Shayton vasvasa qilganda nima qilish kerak? | Shayx Muhammad Sodiq Muhammad Yusuf

Shayton vasvasa qilganda bajariladigan 5 amal

1. Allohdan panoh so‘rash, “A’uzu billahi minash shaytonir rojiym”ni aytish.
Alloh taolo bunday marhamat qiladi: “Agar Sizni shayton tomonidan vasvasa tutmoqchi bo‘lsa, u holda Allohdan panoh so‘rang! Zero, U Eshituvchi va Biluvchi (zot)dir” (Fussilat surasi, 36-oyat).

Abu Hurayra roziyallohu anhudan rivoyat qilinadi. Rasululloh sollallohu alayhi vasallam: «Sizlardan birortangizga shayton kelib: “Uni kim yaratdi?”, “Buni kim yaratdi?” deb savol beradi, hatto, «Rabbingni kim yaratdi?» deyishgacha boradi. Ana shunda u Allohdan panoh so‘rasin va (fikriga) barham bersin», dedilar (Imom Buxoriy, Imom Muslim rivoyati).

2. “Amanna billahi va birosulih” deb aytish.
Oysha roziyallohu anhodan rivoyat qilinadi. Rasululloh sollallohu alayhi vasallam: «Kimning fikriga vasvasa kelsa “Amanna billahi va birosulih”, deb uch marta aytsin. Shunda undan vasvasa ketadi», dedilar (Imom Ibn Sunniy rivoyati).

3. Uch marta tuflash.
Usmon ibn Abul Osiy roziyallohu anhu: “Yo Rasululloh, shayton namozim va qiroatim orasida xalaqit qilib, chalkashtirib yuboryapti”, dedilar.

Shunda Rasululloh sollallohu alayhi vasallam: “Ana shu shaytondir. U “Xinzab”, deyiladi. Agar sen uni his qilsang, Alloh nomi ila undan panoh tila va chap tomoningga uch marta tuflab qo‘y”, dedilar.

Usmon ibn Abul Osiy roziyallohu anhu aytadilar: "U zotning aytganlarini qilgan edim, Alloh taolo mendan uni ketkazdi" (Imom Muslim rivoyati).

4. “Huval avvalu val axiru vaz zohiru val batinu va huva bikulli shayin ’aliym” deb aytish.
Abu Zumayl roziyallohu anhu aytadilar: «Ibn Abbos roziyallohu anhuga: “Qalbimda nimanidir his qilyapman”, dedim. U zot: “Nima u?” dedilar. “Allohga qasamki, uni biror kishiga aytmayman”, dedim. U zot: “Biror shak bo‘lyaptimi?” deb kuldilar. So‘ng: “Biror kishi shak-shubhadan omonda bo‘lmagan. Hatto, Alloh taolo: “Agar Sizga nozil etgan narsa xususida shubha qilsangiz...” (Yunus surasi, 94-oyat) oyatini nozil qilgan. Nafsingda biror narsa topsang:
“Huval avvalu val axiru vaz zohiru val batinu va huva bikulli shayin ’aliym”
“U avval va oxirdir, U zohir va botindir. U har bir narsani biluvchidir”, deb ayt”, dedilar» (Imom Abu Dovud rivoyati).

5. “Laa ilaha illalloh” deb aytish.
Namoz, tahorat va shularga o‘xshash narsada vasvasaga tushgan kishi: “Laa ilaha illalloh” kalimasini aytishi mustahabdir. Shunda shayton Allohning izni ila undan uzoqlashadi.
Manba: muslim.uz

Garov o'ynash mumkinmi?
👉   • Garov o'ynash mumkinmi ? | Shayh Muha...  

Namoz o'qimaganlik uchun shayton aybdor emasmi?
👉   • Namoz o'qimaganlik uchun shayton aybd...  

Qarzni so'rab olish mumkinmi?
👉   • Qarzni so'rab olish mumkinmi | Shayh ...  

Shayton vasvasa qilganda nima qilish kerak? | Shayx Muhammad Sodiq Muhammad Yusuf
#Shayx#Muhammad#Sodiq