ལ་སྟོད་ལྷོ་པའི་གཞས། བྲག་དེ་རྡོ་རྗེའི་བྲག་ལ། Toeshe: Tibetan Cultural Dance

སྐྱེས་ཆེན་དུ་མའི་ཕ་ཡུལ་ལ་སྟོད་འདི། །
སྔོན་དུས་རུ་ལག་ལྷོ་ཡི་ཆ་རུ་གཏོགས། །
གངས་ཅན་གླུ་གར་རྒྱ་མཚོའི་ནང་གི་ཕུལ། །
གནའ་བོའི་དབྱངས་སྙན་འགྱུར་ཁུག་སྣེ་མང་ཅན། །
ཕྱིས་བྱུང་འགྱུར་བས་མ་བསླད་འདི་རྨད་བྱུང་།
ཞེས་གཏམ་གྱི་སྔོན་བསུས་ཏེ། སྐབས་འདིར་ལ་སྟོད་ལྷོ་གཞས་ ༼བྲག་དེ་རྡོ་རྗེའི་བྲག༽ ཞེས་པ་ཞིག་བརྒྱུད་འགོད་ཞུས་ཡོད་པས་རྣམ་པ་ཚོས་གསན་གཟིགས་གནང་རྒྱུའི་རེ་སྐུལ་དང་ཆབས་ཅིག རྗེས་འབྲངས་དང་བརྒྱུད་སྐུར་གནང་རྒྱུ་མ་བསྙེལ་བ་གནང་རོགས། །

བྲག་དེ་རྡོ་རྗེ་བྲག

བྲག་དེ་རྡོ་རྗེ་བྲག་གི་སྒང་གཤོང་ན།
བྱ་རྒྱལ་ (བྱས་པ་) བྱ་རྒྱལ་ (བྱས་པ) རྒོད་པོ་ཡི་ཉམས་བཟང་དོད་ཤས་ (ལཱ)།

ཐང་དེ་ཨེ་མ་ཐང་གི་ཐང་གཤོངས་ན།
གྱི་ལིང་ (བྱས་པ་) གྱི་ལིང་ (བྱས་པ་) རྟ་ཕོ་ཡི་ཉམས་བཟང་དོད་ཤས་(ལཱ)།

མཚོ་དེ་པདྨ་མཚོ་ཡི་ནང་ཤས་ན། །
ཉ་ཆུང་ (བྱས་པ་) ཉ་ཆུང་ (བྱས་པ་) གསེར་མིག་གི་ཉམས་བཟང་དོད་ཤས་ (ལཱ)།

གཟིམ་ཆུང་ཀ་བཞི་གདུང་བརྒྱད་ནང་ཤས་ན། །
རྒན་གཞོན་ (བྱས་པ་) རྒན་གཞོན་ (བྱས་པ་) ཕོ་མོ་ཡི་ཉམས་བཟང་དོད་ཤས་ (ལཱ)།

This channel is dedicated to preserving the rich heritage of Tibetan Traditional Dance, a vibrant art form that has been cherished for centuries. Join us in celebrating and keeping alive these timeless traditions through captivating performances and insightful content.