5 ტყუილი თქვა 1 წუთში და ბოლოს ცილისმწამებლური დასკვნაც გააკეთა გიორგი მიქაუტაძემ პარლამენტში გამოსვლისას. იგი უზენაესი სასამართლოს უვადო მოსამართლეობის კანდიდატია. პარლამეტარებმა ეჭვქვეშაც არ დააყენეს მისი მონათხრობი და სულ ერთ კითხვაში ამოწურეს მისთვის ყველაზე სახიფათო თემა. მიქაუტაძე რამოდენიმე წუთი ჰყვებოდა ჩემზე ტყუილებს, მაგრამ ბოლოს წუთში 5 ტყუილით დაამყარა რეკორდი:
ტყუილი #1. ფიზიკური შეურაცხყოფა მომაყენესო. არსებობს ვიდეოკადრები, სადაც ნათლად ჩანს რომ მე და ჩემს მეუღლეს არ გვქონია ფიზიკური დაპირისპირება მიქაუტაძესთან, დაპირისპირება მოხდა ჩემს 13 წლის შვილსა და გიორგი მიქაუტაძეს შორის, რაც გამოიწვია მიქაუტაძის გინებამ ჩემს მიმართ.
ტყუილი #2. მიქაუტაძე პარლამენტს თავს აცოდებს, გონიოს ინციდენტის დროს მარტო ვიყავი შვილებთან ერთადო. სინამვილეში იქ იყვნენ: მისი ცოლი იმ დროისთვის პროკურატურის მაღალჩინოსანი მაია კვირკაშვილი (მან გადაიღო ვიდეოკადრები) და მეგობარი ვაჟა ბრაგვაძე, ასევე მაღალჩინოსანი.
ტყუილი #3. მის წინააღმდეგ მიმდინარე გამოძიებაზე აცხადებს, იმიტომ ვერ დასრულდა, რომ დაკითხვაზე არ გამოცხადდა არასრულწლოვანიო. სინამდვილეში, ჩემი შვილი, რომელიც მიქაუტაძემ ფიზიკურად დააზიანა, გამოკითხულია და გამოკითხვის ოქმი 2 წელია საქმეში დევს.
ტყუილი #4. ძალადობა არ ყოფილაო. არსებობს ვიდეოკადრები და სამხარაულის ექსპერტიზის დასკვნა, რომლებითაც დასტურდება, რომ გიორგი მიქაუტაძემ ფიზიკურად დააზიანა ჩემი არასრულწლოვანი შვილი.
ტყუილი #5. მიქაუტაძე აცხადებს ჩემზე, რომ არანაირი საფრთხე ქვეყანაში არ ემუქრება და არც არსადროს არ ემუქრებოდაო. ე.ი. საფრთხეში არ ვყოფილვარ როცა მიქაუტაძის ჩადენილის დასაფარად და ზოგადად ჩემს გასაჩუმებლად მთელმა სახელმწიფო მანქანამ ომი გამომიცხადა, ბავშვებიან ოჯახს შუაღამით შეიარაღებული რაზმით შემომეჭრნენ, მე და ჩემს მეუღლეს აბსურდული ბრალი წაგვიყენეს და წინასწარ პატიმრობაში აგვიყვანეს, გვემუქრებოდნენ 7-10 წლამდე თავისუფლების აღკვეთით და ჩემი შვილები უმშობლებოდ რჩებოდნენ. რით დამთავრდებოდა ეს რეპრესია რომ არა დიდი ბრიტანეთი, რომელმაც მფარველობა გაგვიწია და პოლიტდევნილის სტატუსი მოგვანიჭა? ბრიტანეთში ვიყავით, როცა საქართველოს სასამართლომ აღიარა, რომ პროკურატურის მიერ წაყენებული ბრალი იყო აბსურდული.
პარლამენტის ტრიბუნიდან ტყუილების კასკადს მიქაუტაძე არ დაჯერდა და ბოლოს ცილსმწამებლური დასკვნაც გააჟღერა: “ძალიან კარგად ისარგებლა ამ სიტუაციითო”. ამ რეპრესიიდან მიღებული რა სარგებელი დამითვალე მიქაუტაძე? ბრიტანეთისთვის ფინანსური დახმარება არასოდეს მითხოვია. იქნებ სამშობლოდან გადახვეწას უწოდებ სარგებელს, მაშინ როცა სამშობლოში სახლიც გაქვს, ბიზნესიც და სამსახურიც. ჩემი მეუღლის მოხუცი დედა დარდსა და მარტოობაში გარდაიცვალა და დაკრძალვასაც ვერ დავესწარით.
გიორგი მიქაუტაძე, მიუხედავად იმისა, რომ ბევრი უკადრებელი იკადრე შენი ტყავისა და კარიერის გადასარჩენად, ციხეში მოხვედრას მაინც არ გისურვებ, მაგრამ რომ შემეძლოს კიდევ ერთხელ ჩავანერწყვებდი ზღვაში რომელშიც შენ ბანაობ. ალბათ ისევ შემაგინებდი (ჟესტიკულაციის გამო, თორემ სხვას არაფერს შეუწუხებიხარ 15-20 მეტრში), ისევ მოგეჭრებოდა ჩემი შვილი რატომ შეაგინე დედაჩემსო, მაგრამ მისთვის კბილებში მუშტის დარტმას და მისი სისხლის დანახვით ჩემს გამწარებას ვეღარ მოახერხებ, უკვე გაიზარდა, აღარ არის 13 წლის... აღარ დაგჭირდება საკუთარი ჩადენილის დასაფარად ღამის 2 საათზე ჩემს ოჯახში შეიარაღებული ოცეულის გამოგზავნა და ჩემი და ჩემი მეუღლის დაპატიმრება ბავშვების თვალწინ, ჩემი დედობრივი სიტყვიერი ემოციის შერაცხვა მძიმე დანაშაულად, ჯგუფურ დანაშაულად და მოსამართლის მიმართ მუქარად.
არც ეს წუთში 5 ტყუილის გამოაშკარავება შეცვლის რაიმეს, მაინც მოგცემენ საჭირო ხმებს პარლამენტში და გახდები უვადო მოსამართლე უზენაესში, ხოლო იმ დეპეუტატთა სია, რომლებიც შენ ხმას მოგცემენ, ასევე უვადოდ განთავსდება იქ, სადაც განთავსებულია დოკუმენტური ფილმი “ჰეროკრატია 2-ივანიშვილის რეჟიმი”, რომელშიც დეტალურადაა გადმოცემული ჩემი ოჯახის რეპრესიასა და შენს ჩადენილ ქმედებებზე.
05.11.2019.
თამარ ხაჭაპურიძე
პოლიტდევნილი, დიდი ბრიტანეთის რეზიდენტი
[email protected]
Информация по комментариям в разработке