“Manfaatlar to‘qnashuvi to‘g‘risida”gi Qonun yuzasidan mutaxassis sharhi

Korrupsiyaga qarshi kurashish agentligi manfaatlar to‘qnashuvini tartibga solishda vakolatli organ sifatida belgilanmoqda

▫️“Manfaatlar to‘qnashuvi to‘g‘risida”gi Qonun senatorlar tomonidan maʼqullandi.

Qonun bilan quyidagilar belgilanmoqda:

✔️davlat organlari va muassasalarida manfaatlar to‘qnashuvini nazorat qilishning aniq mexanizmlari;
✔️manfaatlar to‘qnashuviga oid talablarni buzishning huquqiy oqibatlari;
✔️manfaatlar to‘qnashuviga yo‘l qo‘ygan holda qabul qilingan va tuzilgan bitimlarni sud tartibida haqiqiy emas deb topish asoslari;
✔️manfaatlar to‘qnashuviga yo‘l qo‘yganlik uchun javobgarlik choralari.

Shuningdek:

📌 Qonunning qo‘llanilish doirasi aniqlashtirilmoqda:

➖davlat organlariga va mahalliy davlat hokimiyati organlariga;
➖davlat muassasalariga, davlat unitar korxonalariga;
➖davlat maqsadli jamg‘armalariga;
➖ustav fondida davlat ulushi 50 foiz miqdorda va undan ortiq bo‘lgan aksiyadorlik jamiyatlariga;
➖o‘z ustav fondida davlat organlarining yoki boshqa tashkilotlarning ulushi jami 50 foiz miqdorda va undan ortiq bo‘lgan yuridik shaxslarga nisbatan tatbiq etiladi.

📌manfaatlar to‘qnashuvini tartibga solishda vakolatli organlar belgilanmoqda:

Korrupsiyaga qarshi kurashish agentligi, davlat tashkilotlarining odob-axloq komissiyalari, kadrlar bo‘linmalari va korrupsiyaga qarshi ichki nazorat tuzilmalari manfaatlar to‘qnashuvini tartibga solishni amalga oshiradigan organlar sifatida mustahkamlanmoqda.