Скачать или смотреть İstanbul qarışdı, etirazçılar meydanlara çıxdı

Dünən gecə İstanbulda gərgin anlar yaşanıb. Ölkənin tək adam, tək partiya, cib müxalifəti idarəçiliyinə keçirilməsi üçün polisdən müxalifətə qarşı istifadə olunub. Polisin müxalif Cümhuriyyət Xalq Partiyasının qərargahını bağlamasından sonra kütləvi etirazlar başlayıb. Müxalifət yaranmış vəziyyəti “mühasirə” adlandırıb və hakimiyyəti siyasi çevrilişdə ittiham edib.
Qeyd edək ki, İstanbulda CHP-nin indiki rəhbərliyi hakimiyyətin göstərişilə idarəetmədən rəsmi olaraq uzaqlaşdırılıb, partiyanın idarə edilməsi müvəqqəti şuraya verilib. Buna görə etirazçılar Erdoğanın qərarlarını rejimə meydan oxuyan əsas qüvvəni məhv etmək cəhdi hesab edərək küçələrə axışıblar.
Qeyd edək ki, CHP-nin İstanbul şöbəsinin rəhbərliyinin uzaqlaşdırılması İstanbulun keçmiş meri Ekrem İmamoğlunun işi ilə birbaşa bağlıdır. O, may ayında korrupsiya, çirkli pulların yuyulması və terrorizmlə əlaqədə ittiham edilərək həbs edilib.
İmamoğlu 2028-ci il seçkilərində Ərdoğanın əsas rəqibi hesab olunurdu, buna görə də Türkiyədə onun işi rəqibin siyasi motivli aradan qaldırılması kimi qəbul edilir