全城一叮丨林子超與孖八雙冠軍做台主 曾志偉宣佈開劇答謝參賽者付出

全城一叮丨林子超與孖八雙冠軍做台主 曾志偉宣佈開劇答謝參賽者付出

TVB才藝比拼節目《全城一叮》參賽者施展渾身解數，務求讓觀眾留下深刻印象，噚晚播出最後一集，由林盛斌（Bob）、馮盈盈擔任主持，嘉賓評判為伍詠薇及蔡一傑，林子超與孖八（李俊華）獲得《全城一叮》總台主，成為雙冠軍，真係可喜可賀。

招浩明上一輪大晒神級啤牌魔術，今次再下一城玩危險指數極高嘅勁爆「火魔法」，展現吞火絕技吸睛，令馮盈盈尖叫連連，而孖八以Popping演戲上陣，除衫再著衫，孖八以10分之差贏咗招浩明，佢同林子超更意外同分，二人獲40分成為雙冠軍，馮盈盈同伍詠薇對結果感到興奮又驚訝，Bob隨即宣佈二人就係《全城一叮》總台主。

曾志偉前來觀戰，更宣佈開劇呢個好消息，更上台鼓勵一眾參賽者，佢先恭喜林子超同孖八，同埋感謝一眾同事參與及傾盡全力演出，努力成果係有目共睹，指努力付出係應該有回報，希望開一部劇畀所有參賽嘅同事一齊拍，之後曾志偉頒發獎座給林子超同孖八以示鼓勵。

孖八解釋喺廁所構思咗呢個表演出嚟，坦言自己仍有進步空間，更承認有失手，佢為準備比賽少咗時間同愛女見面，呢日愛女有現身支持，見證爸爸得獎時刻，林子超稱好開心可以同孖八分享呢個榮譽，原來佢哋係拍真人秀節《盛·舞者》認識，希望嚟緊多啲時間開工見面。

評判伍詠薇及蔡一傑讚眾選手喺決賽進步咗好多，不過評分方面依舊嚴謹，主持阿Bob對林子超用兩、三個禮拜學鋼管舞留下深刻印象，馮盈盈稱厲害到以為佢練咗幾年，阿Bob覺得呢個節目畀到同事好大發揮，表演一啲同事想做嘅嘢。

#TVB #全城一叮 #林盛斌 #馮盈盈 #伍詠薇 #蔡一傑 #林子超 #孖八 #招浩明 #曾志偉 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0