Скачать или смотреть LIVE: Good Morning, Manila! | Unang Lunes sa Buwan ng Marso | Mayor Isko Moreno | March 2, 2026

Sa unang flag-raising ceremony ngayong buwan ng Marso, nanawagan si Manila Mayor Francisco “Isko” Moreno Domagoso sa publiko na magkaisa sa panalangin para sa kapayapaan sa buong mundo sa gitna ng tumitinding tensiyon sa Middle East kasunod ng pag-atake ng United States at Israel sa Iran.

"Kailangan maipagdasal ang kapayapaan sa buong mundo, ang mga tao sa gitna ng gulo, tao ang maapektuhan, kaligtasan ng tao, iyong mga kababayan nating Pilipino sa dakong silangan, talagang nalalagay sila sa alanganin,” pahayag ng alkalde.

Binigyang-diin ng alkalde ang patuloy na pakikiisa ng Pamahalaang Lungsod ng Maynila sa panalangin para sa kaligtasan ng lahat, lalo na para sa mga overseas Filipino worker at kanilang pamilya, sa hangaring manaig ang kapayapaan at katatagan sa buong mundo.