Скачать или смотреть "САЙРАГҮЛ" Сөзү. Абзий Кыдыров. Обону. Экия Муканбетов. Шайлоо Кырбашеванын аткаруусунда.

Сүйгөн элем мен сени,сүйгөн элем,
Жалыныңа жалбырттап күйгөн элем.
Кубулжуган үнүңдү келбетиңди,
Медер кылып жүрөккө жүргөн элем.
Кайырма:
Сүйлөгөндө сөзүмдөсүң
Сайрагүл,
Караганда көзүмдөсүң
Сайрагүл.
Жатсам, турсам
оюмдасың, миң элестеп
баскан кезде,
Жолумдасың Сайрагүл.

Абайлабай айтканым,
кеттиң алыс,
Азап болду ажырап мында калыш.
Жабыкпасын жаш жүрөк
жалгыздыкта,
Өзүң сайрап өмүрдүн күүсүн чалыш.
Кайырма:

Кыйналамын кыялга башым чатып,
Ойгономун ар убак атыңды атап.
Менден алыс жүрсөң да
гүл элесиң,
Шыктандырат эмгекке бирге жашап.
Кайырма:

"Кең Чүй" деген сөз уксам элес келет,
Сен чоңоюп өскөн жер элестелет.
Толкундатып көңүлдөн ыр
жаратып,
Өзүң тургай,жериң да кубат
берет.
Кайырма: