Скачать или смотреть ახალი დასაწყისი

ახალი დასაწყისი
ჩაუწვდომელო, დიადო და დიდებულო ღმერთო,
აღგამაღლებ და ქედს ვიდრეკ შენ წინაშე.
გიახლოვდები და არ მავიწყდება, რომ არარაობა ვარ,
ქმნილება − არარაობაზე უარესი.
ვერ დაემალება შენს მზერას ჩემი ფიქრები.
ჩემი ფარული ცოდვები გამოაშკარავებულია შენი სახის შუქის წინაშე.
შემაძლებინე, მახსოვდეს ის სისხლი, რომელსაც ძალუძს ყველა ცოდვისგან განწმენდა;
შემაძლებინე, მწამდეს იმ მადლის, რომელიც თრგუნავს ყოველგვარ უკეთურებას,
ვემორჩილებოდე მას, ვისაც ძალუძს ჩემი დახსნა ხრწნილების მონობისაგან ღვთის შვილთა დიდების თავისუფლებისათვის.
შენ დაიწყე კეთილი საქმე ჩემში
და მხოლოდ შენ ძალგიძს მისი გაგრძელება და აღსრულება.
მომანიჭე უნარი იმისა, რომ სულ უფრო და უფრო მეტად ვაცნობიერებდე იმას,
რომ მიდრეკილი ვარ შეცდომებისა და ცოდვაში ჩავარდნისკენ.
დამეხმარე, რათა უფრო მეტად შევიგრძნობდე ღვთისმოსაობის განწმენდ და
გულის მომალბობელ ზეგავლენას,
მის თანაგრძნობას, სიყვარულს, სიბრალულსა და მოწყალებას
და იმოქმედე ჩემი მეშვეობით სხვათა საკურთხებლად.
შემაძლებინე, ვარჩევდე გარეგნულ ღვთისმოსაობას ნამდვილი ღვთისმოსაობის ძალისაგან,
ნამდვილ სიცოცხლეს მისგან, რაც მხოლოდ იწოდება სიცოცხლედ.
ტყუილს ჭეშმარიტებისაგან,
თვალთმაქცობას იმ ღვთისმოსაობისგან, რომელიც სულ უფრო და უფრო გაიზრდება შენს თვალში.
თუ არ ვარ მართალი, დააყენე ფერხნი ჩემნი სწორ გზაზე
და დამიცავი სიმართლეში.
და დაე, ბოლოს შევძლო მშვიდობით მოსვლა შენს სამკვიდრებელში.