Cheroki qabilasi bilan tanishuv, AQShning Shimoliy Karolina shtati

Ko'pchilik Amerikada hindular butunlay qirilib ketgan deb o'ylaydi. Bu qabilalarning mustamlakachilar qilichi ostida o'zligidan, molu-mulkidan, madaniy meros va og'zaki ijodidan ayrilgani rost. Biroq ularning avlodlari bugungacha yashab kelmoqda. Lekin yana bir haqiqat shuki, hindular boshqa elatlar bilan chatishib ketgan, ayniqsa qora tanlilar bilan. Etnik jihatdan ancha o'zgargan bo'lsa-da, hindular o'zligini saqlab qolishga harakat qilmoqda. Ularning soni, rasmiy ma'lumotlarga ko'ra, ikki yarim million. Chatishganlar esa bir yarim million atrofida. Aksariyati nasroniylar. Qo'shma Shtatlar bo'ylab sayohat qilgan kishi ko'plab rezervatsiyalarga duch keladi. Ular hindular uchun ajratilgan maxsus yerlar. Bu hududlarda ular o'z hokimiyati va ichki tizimlariga ega.
VOA Uzbek show Exploring America. This story focuses on Cherokee tribe in North Carolina.