Скачать или смотреть NANKANA yabeshye ko Umwami yapfuye (Yatanze) ahita yicwa || Insigamugani "Amagambo yahariwe NANKANA"

INSIGAMIGANI: AMAGAMBO AHARIWE NANKANA
Mu kinyejana cya 21, ndamutse mvuze ko gucumbikira umuntu utazi naho akomoka bisaba ubwitonzi n’ubushishozi hari benshi babyumva neza. Bitewe n’uko ibihe bihinduka, ubu umuntu ukeneye icumbi ajya kwishyura ahagenewe gucumbikira abagenzi, kuko nyine ari uko bimaze kumenyererwa. Kujya mu rugo rw’umuntu mutaziranye ukamwaka aho uryama, bisaba inzego z’ubuyobozi ngo bamenye umuntu uwo ari we.
Gusa mu gihe cy’abami mu Rwanda akenshi si uko byagendaga, kuko uwabaga ari ku rugendo akabona ijoro riraguye, yashoboraga kujya kwaka icumbi ku musozi agezeho. Maze bwacya agakomeza urugendo, rimwe na rimwe bakamuha n’impamba imufasha urugendo. Bimwe mu bihe amateka yibuka kandi azirikana ni ku ngoma y’umwami Cyirima Rugwe, akaba umwami ubarirwa mu bami b’umukenke.
Agace gato cyane kavuga ku mateka y’umugabo witwaga NANKANA, mu gitabo IBIRARI BY’INSIGAMIGANI, kagaragaza ko uwo mugabo yagiraga ingeso mbi y’ubusambo n’ubugira nabi, ku buryo kubana n’abandi baturanyi atabikozwaga. Ubu wavuga ko yari nyamwigendaho mu bandi. Bivugwa ko yari atuye I Rumuri na Muhura mu Buganza, abandi bakavuga ko yari uwo mu Ruhango rwa Kigali mu Bwanacyambwe ahayinga mu mwaka wa 1400.
Abandi baturanyi be bagerageje kumwegera ngo barebe ko yahinduka akaba umuntu wizihirwa n’abandi, ariko NANKANA akomeza ingeso ye, atitaye ku bizaba ejo. Rubanda baramurambwindwa, ageza aho akora ibara mu bandi avuga ko umwami yatanze, kuko umwami, ntapfa aratanga, kandi byari ibinyoma, abura n’abagabo bo guhamya ibyo yavuze bimuviramo gutangwa aricwa.
Muri ibyo bihe abantu niho bahise bamukokomoraho Insigamigani ivuga ngo: AMAGAMBO AHARIWE NANKANA. Ari nayo tugiye kubagezaho ikibariro cyayo. Iyi ni Intsinzi tv. Mu kubategurira iki kiganiro nifashishije igitabo; “IBIRARI BY’INSIGAMIGANI, igitabo cya mbere, icapisho rya gatatu, kikaba igitabo cyatangajwe bwa mbere mu mwaka wa 1980, iri capisho rya gatatu ryo ryatangajwe mu mwaka wa 2005, n’icyahoze ari Minisiteri y’Urubyiruko, Umuco na Siporo. Iyi Jye nitwa Eric SAFARI. Mbahaye ikaze.
Insigamigani ni amagambo afite ubutumwa atanga mu mibereho y’abantu, bituma zikoreshwa mu buryo butandukanye, iyi nsigamigani nayo ifite ubutumwa itanga kandi bukomeye mu mibereho y’abantu.
AMAGAMBO YAHARIWE NANKANA: Uyu mugani bawuca iyo babonye amakuba agarutse nyirabayazana, ni bwo bagira, bati: «Amagambo ahariwe Nankana».
Mu kibariro cyayo, bamwe batekereza ko wakomotse kuri Nankana ya Rutamu w'i Rumuli na Muhura, mu Buganza, ahayinga umwaka w'i 1400, abandi bagatekereza bavuga ko Nankana yari atuye mu Ruhango rwa Kigali nanone muri icyo gihe.
Abavuga Nankana w'i Rumuli na Muhura rero, babitekereza bavuga ko ku ngoma ya Cyilima I Rugwe, umwami w’u Rwanda warutwaye kuva mu mwaka wa 1345, kugeza mu mwaka wa 1378. Mu Buganza hari umugabo witwaga Rutamu, asaza asize abana benshi barimo uwo nguwo Nankana; akaba ari nawe wari mukuru wabo bana ba RUTAMU.
Amateka avuga ko NANKANA yagiraga ingeso mbi cyane, yahaka umugaragu ntibamarane kabiri; ngo mbese yagiraga amahane kurusha abazima n' abapfuye, abavandimwe be bagahora bamuhana ariko akabananira; ntiyagiraga gihana.
Bigeze aho baramwimuka bajya gutura i Gatsibo mu Mutara, ubu ni mu bice by’intara y’uburasirazuba, kuri ubu gatsibo ni akarere kagize iyo ntara. Abavandimwe be amaze kubananaira bamaze no kumwimuka bagiye, ubwo Nankana asigara i Rumuli wenyine agumya kwangana na rubanda bahasigaye. Abari inshuti asigaranye bagumya kumuhana na bo arabananira burundu, uwananiye abavandimwe inshuti sizo yari kumvira, nta nicyo zimurusha. Rubanda bose baramwanga baramwamagana, asigara ari igiti gihagaze cyonyine, ariko akomeza kuba umukire.
Amaze kumererwa nabi n'abaturanyi be b'i Rumuli bamurembeje, NANKANA ni ko kuhimuka ajya gukeza umugabo w' i Nduga witwaga Rukali, we yari atuye i Rugobagoba ho muri Musambira ubu ni mu ntara y’amagepfo (Gitarama).
Rukali we ntiyamubereye nk’abandi yari amaze kurembya we aramwakira, amugabira agakingi kitwa Mushimba kari hafi ya Rugobagoba. Maze NANKANA agaturamo n'abana be; ndetse kandi yimura inka ze ziva i Rumuli ziza aho i Mushimba mu Nduga yari amze kwimukira.
Burya koko umunyarwanda yavuze ukuri ingeso ntipfa; ahubwo ipfa nyirayo na we yapfuye! NANKANA ageze i Mushimba akomeza kugira za ngeso ze yahoranye i Rumuli akagirira abantu nabi, ndetse arushaho; ntihagire ucumbika iwe, ntihagire uhugama imvura, n'ubwo yaba imvura y’amahindu; uje kugama akamwirukana, aba aho akiri wa wundi Nankana w’I Rumuri.
Abanyanduga yasanze na bo bamenya ingeso ye, ariko bagumya kumuhana arabananira, na bo arabananira dore ko rwose Atari yarananiye bake...