Tabaha turjumaadda. Boodhari Warsame

Cashar qiimo leh oo ku saabsan turjumaadda iyo tabaheeda. Waa iftiimin, tusaalayn, hogatus iyo xogwarran. Waxaan filaynaa in uu wax ka tari doono cid walba oo danaysa xirfaddan ama shaqadan, ku hore ugu jiray iyo ku hadda jaranjarteeda cagta saari raba.

Waa macallin Bodhari Warsame iyo aqoon iswedaarsigii ay qabanqaabadiisa lahayd xarunta Turjumaan ee ku qabsoomay magaalada Hargeysa. Dedaalkii aan ku bixinnay kaydintiisa waxaan uga gol-lahayn in ciddii soo haleeli weyday, danaynaysayna aanay waayin. Imminka ayaan idin la wadaagaynaa, intiinna u oomman ee daafaha dunida kala joogtana waxaan rajaynaynaa in aad ka bogataan, si waafi ahna uga dhitaysataan murtida dhex ceegaagta.