Скачать или смотреть CARMEL PRERAN I Oct 28 I ಪರಬ್ I ಸಾಂ ಸಿಮಾಂವ್ ಆನಿ ಸಾಂ ಜೂದ್, ಆಪೊಸ್ತಲ್ I Luke 6: 12-19

ಲೂಕ್ 6: 12-19
ಆಪ್ಲ್ಯಾ ಶಿಸಾಂಮದ್ಲ್ಯಾ ಬಾರಾ ಜಣಾಂಕ್ ಜೆಜುನ್ ವಿಂಚುನ್ ಕಾಡ್ನ್, ತಾಂಕಾಂ ಧರ್ಮ್‌ದುತ್ ಮ್ಹಣೊನ್ ನಾಂವ್ ದಿಲೆಂ.

ತ್ಯಾ ದಿಸಾಂನಿ ಮಾಗ್ಣೆಂ ಕರುಂಕ್ ಮ್ಹಣ್ ಏಕ್ ದೀಸ್ ಜೆಜು ದೊಂಗ್ರಾರ್ ಚಡ್ಲೊ. ಆನಿ ಥಂಯ್ ಸಗ್ಳಿ ರಾತ್ ತಾಣೆಂ ದೆವಾಲಾಗಿಂ ಮಾಗ್ಣೆಂ ಕರುನ್ ಖರ್ಚಿಲಿ. ದೀಸ್ ಉಜ್ವಾಡ್ತಚ್ ಆಪ್ಲ್ಯಾ ಶಿಸಾಂಕ್ ತಾಣೆಂ ಸರ್ಶಿಂ ಆಪಯ್ಲೆ ಆನಿ ತಾಂಚೆಮದ್ಲ್ಯಾ ಬಾರಾ ಜಣಾಂಕ್ ವಿಂಚುನ್ ಕಾಡ್ನ್, ತಾಂಕಾಂ ಧರ್ಮ್‌ದುತ್ ಮ್ಹಣೊನ್ ನಾಂವ್ ದಿಲೆಂ. ತೆ ಬಾರಾ ಜಣ್ ಹೆ: ಸಿಮಾಂವ್, ಜಾಕಾ ತಾಣೆಂ ಪೆದ್ರು ಮ್ಹಣ್ ನಾಂವ್ ದಿಲೆಂ ಆನಿ ತಾಚೊ ಭಾವ್ ಆಂದ್ರೆ, ಜಾಕೊಬ್ ಆನಿ ತಾಚೊ ಭಾವ್ ಜುವಾಂವ್, ಫಿಲಿಪ್ ಆನಿ ಬಾರ್ಥೋಲೊಮೆವ್, ಮಾತೆವ್ ಆನಿ ತೊಮಾಸ್, ಅಲ್ಫಾವಾಚೊ ಪೂತ್ ಜಾಕೊಬ್ ಆನಿ ದೇಶ್‌ಭಕ್ತ್ ಮ್ಹಣ್ತಾಲೆ ತೊ ಸಿಮಾಂವ್, ಜಾಕೊಬಾಚೊ ಪೂತ್ ಜೂದ್ ಆನಿ ಉಪ್ರಾಂತ್ ವಿಶ್ವಾಸ್‌ಘಾತ್ ಕೆಲ್ಲೊ ಜುದಾಸ್ ಇಸ್ಕಾರಿಯೊತ್. ಉಪ್ರಾಂತ್ ಜೆಜು ತಾಂಚೆಸಾಂಗಾತಾ ದೊಂಗೊರ್ ದೆಂವೊನ್ ಯೇವ್ನ್, ಏಕ್ ಮಯ್ದಾನ್ ಸುವಾತೆರ್ ರಾವ್ಲೊ. ಥಂಯ್ ಶಿಸಾಂಚೊ ಏಕ್ ವ್ಹಡ್ ಜಮೊ ತಾಚೆಭೊಂವಾರಿಂ ಆಸ್ಲೊ. ತಶೆಂಚ್ ಸಗ್ಳ್ಯಾ ಜುದೇಯಾ ಪ್ರಾಂತಾಥಾವ್ನ್, ಜೆರುಜಲೆಮ್ ಶ್ಹೆರಾಥಾವ್ನ್ ಆನಿ ದರ್ಯಾಕಿನಾರೆಚ್ಯಾ ತೀರ್ ಆನಿ ಸಿದೊನ್ ಶ್ಹೆರಾಂಥಾವ್ನ್ ಎಕ್ಟಾಂಯ್ ಜಾಲ್ಲೊ ಏಕ್ ವ್ಹಡ್ ಲೊಕಾಜಮೊಯ್ ಥಂಯ್ ಆಸ್ಲೊ. ತಾಚಿ ಶಿಕವ್ಣ್ ಆಯ್ಕೊಂಕ್ ಆನಿ ಆಪಾಪ್ಲ್ಯಾ ಪಿಡೆಶಿಡೆಂತ್ಲಿಂ ಗೂಣ್ ಜಾಂವ್ಕ್ ಜಾಯ್ ಮ್ಹಣ್ ಥಂಯ್ ತಿ ಆಯ್ಲಲಿಂ. ದೆಂವ್ಸಾರಾಂಚೆ ಉಪದ್ರ್ ಭೊಗ್ತಲಿಂ ತಿಂಯ್ ಥಂಯ್ ಯೇವ್ನ್ ಬರಿಂ ಜಾತಾಲಿಂ. ಜೆಜುಥಾವ್ನ್ ದೈವಿಕ್ ಸಕತ್ ಭಾಯ್ರ್ ಸರ‍್ನ್ ಸಮೇಸ್ತಾಂಕ್ ಗೂಣ್ ಕರ‍್ತಾಲಿ. ದೆಕುನ್ ತೊ ಲೊಕಾಜಮೊ ತಾಕಾ ಆಪ್ಡುಂಕ್ ಮ್ಹಣ್ ಉರ್ಡತಾಲೊ.