Скачать или смотреть Mahalakshmi Devi new song

మహాలక్ష్మీ వైభవము

సృష్టి స్థితి లయములు చేస్తూ, హరి ఆజ్ఞనే పాలిస్తూ,
కను సైగతో జగతిని నడిపే సిరికి హరియే సర్వోత్తముడు!!ప!!

1. హరి హృదయమే సిరికి నిలయము, సిరి నిరతము హరినే తలచును
పతిగా గురువుగా హరిని నిత్యమూ పూజలు చేసి తరియించే!!
2.
సర్వదేశములు కాలములందు హరికి సమముగా వ్యాపించీ
సర్వవిధములా ఉత్తమ రీతిగా నిత్యము హరిని సేవించే!!

3.అనంత గుణములు అధికము కలిగిన హరిని నిత్యము పూజించీ
కోటిగుణములు అధికము కలదై బ్రహ్మవాయువుల పూజలు పొందె!!

4. ఛత్ర చామర వ్యజన పర్యంకములన్నీ తానై నిలచెనులే
కోటి కోటి సేవకులున్నా తానే హరికి సేవలు చేసె!!

5.సత్య రుక్మిణి దుర్గా కాళీ రూపములెన్నో దాల్చినది
దుష్ట శిక్షణ చేసి జగతిని ఎన్నో విధముల రక్షణ చేసే!!

6. సర్వోత్తముని సర్వోత్తమమైన ప్రీతిని పొందిన మహాలక్ష్మి!
సర్వోత్తమ గుణములు కలిగి
దేవగణముల పూజలు పొందే!!

7.పద్మ నయనములు,
పద్మ హస్తములతో
పద్మములన్న ప్రీతిని కలిగి
పద్మాసనమున పద్మనాభుని పాదపద్మముల పూజలు చేసే!!

8.నవరీతులలో నవ రాత్రులలో నవవిధ భక్తితో అర్చిఃచిన
నరులకు నానావిధ సుఖములిచ్చి
హరిదాస్యమునే ఒసగునులే!!

9.సర్వశక్తులు కలిగిన తల్లి, సర్వోత్తమునీ పట్టపు రాణి ,
సర్వమంగళ సౌభాగ్యదాయిని హరిదాసులకు ప్రమోదమిచ్చు!!