Post müstəqillik dövrü Azərbaycan incəsənəti - Elmir Mirzəyev | AFU

Noyabrın 18-də Azad Fikir Universiteti tanınmış bəstəkar və incəsənət tənqidçisi Elmir Mirzəyevi post-müstəqillik dövrü Azərbaycan incəsənəti və müasir mədəni meyllər mövzusunda interaktiv mühazirə deməyə dəvət etdi.

İlk olaraq, Elmir Mirzəyev müasir Azərbaycan incəsənətinin formalaşmasının köklərinə və kontekstinə nəzər saldı və bu prosesə təsir edən müxtəlif siyasi, sosial, mədəni, iqtisadi və sair amilləri təhlil etdi.

Daha sonra o, son iyirmi il ərzində Azərbaycanda baş verən mədəni hadisələr və proseslər, musiqi, ədəbiyyat, kino və teatr sənətində yeniliklər haqqında danışdı. Azərbaycan incəsənətini 21-ci əsrdə gözləyən müxtəlif problemlər və çağırışlar da müzakirə mövzusu oldu.

#AzadFikirUniversiteti