Скачать или смотреть بەرنامەی ئاوەنیا/ بەرهەمی گوڵەبەڕۆژەی دەشتی بتوێن

بەرنامەی ئاوەنیا

ئەمجارەیان تایبەتە بە بەرهەمهێنانی گوڵەبەڕۆژەی دەشتی بتوێن

وەرزی لێکردنەوە و داتەکاندنی گوڵەبەڕۆژە دەستی پێ کردووە جوتیارانی دەشتی بتوێن سەرقاڵی کۆکردنەوەی بەرهەمەکانیانن بە هەرەوەزی ئەم کارە ئەنجام دەدەن.

لە ڕابردوودا بەسەدان دۆنم زەوی کشتوکاڵی تەرخان دەکرا بۆ بەرھەمھێنان و چاندنی گوڵەبەڕۆژە لە دەشتی بتوێن بە جۆرێک بە دووەم بەرووبوومی کێڵگەیی ئەژمار دەکرا لە دوای بەرهەمی گەنم.. بەڵام لە ئێستادا بەهۆی نەبونی بازاڕ و هێنان و هاوردەکردنی گوڵەبەڕۆژە لە دەرەوە و هاوکاری نەکردنی جوتیاران لە لایەن حکومەتەوە چاندنی ئەم بەرهەمە ئابوریە گرنگە بە تەواوی کەم بووەتەوە .

ساڵانە لە وەرزی بەهاردا گوڵەبەڕۆژە دادەچێنرێت.زۆربەی جۆرەکانی گوڵەبەڕۆژە لە ماوەی ٩٠-١٢٠ ڕۆژ دوای چاندن سوڕی ژیانی خۆیان تەواو دەکەن و نیشانەکانی پێگەیشتنی دەردەکەوێت، لە مانگی تەموزدا بە چەند قۆناغێک جوتیاران دەست دەکەن بە کۆکردنەوەی بەرهەمەکانیان.

گوڵەبەڕۆژە بە شێوەیەک ئاشقیەتی خۆر لە هەر شوێنێک بێت ڕووی تێ دەکات و پێ ی دەگەشێتەوە.
دوای چوار مانگ لە سەماکردن و عاشقایەتی گوڵەبەڕۆژە لەگەڵ خۆر داسی دەستی جوتیاران ئەو دوو مەعشوقە لەیەک دەکات و کۆتایی دێنێت بەو پەیوەندیە

گوڵەبەڕۆژە دەتوانرێت بە دەست یان بە میکانیکی دروێنە بکرێت. لە کوردستان بە پێچەوانەی زۆرێک لە وڵاتە پێشکەوتوەکان بەدەست ئەم کارە ئەنجام دەدرێت

مامەڵەکردن لە دوای دروێنەکردن: وشککردنەوە و هەڵگرتنی تۆوی گوڵەبەڕۆژە
دروێنەکردنی زوو، دوای پێگەیشتنی فیزیۆلۆژی ڕووەکەکە، هەمیشە سوودی زۆری هەیە. بەڵام ڕێژەی شێی زۆری تۆوەکان لەو کاتەدا وا دەکات هەڵگرتنی بەرهەمەکە زۆر ئاسان بێت. پێویستە تۆوەکان وشک بکرێنەوە بۆ دڵنیابوون لە سەلامەتی بۆ هەڵگرتنی درێژخایەن. ئاستی شێی قبوڵکراو بۆ تۆوەکان بەندە بە بارودۆخی هەڵگرتن (پلەی گەرمی و هتد) و ماوەی هەڵگرتنی پێویست. بۆ نموونە بۆ هەڵگرتنی کاتی، شێی تۆوەکان دەبێت 12% بێت، لەکاتێکدا لە بارودۆخی بەستن و هەواگۆڕکێی گونجاودا، ڕەنگە شێ تا 15% قبوڵکراو بێت. بەڵام شێی پێویست بۆ هەڵگرتنی تۆو بۆ ماوەیەکی درێژ دەبێت لە 10% کەمتر بێت. تۆوی گوڵەبەڕۆژەی جۆری زەیتی کە ئاستی شێی نابێت زیاتر بێت لە 10% و 8% نابێت . بەگشتی تا ڕێژەی ڕۆنی تۆوەکە زیاتر بێت باشترە ڕێژەی شێ ی کەمتر بێت، باشترە ،بە هەمان شێوە، تۆوی گوڵەبەڕۆژەی غەیرە ڕۆن نابێت ئاستی شێی لە زستاندا لە 11% و لە هاویندا لە 10% زیاتر بێت بۆ هەڵبگیرێت ..

سلام محمد