Kişilərdə sərtləşmə problemi - Ereksiya - Tibbi maarifləndirmə

Kişilərdə ereksiya probleminin qarşısını almaq üçün 8 tövsiyə

Erektil disfunksiya “impotensiya” olaraq da adlandırılır. Cinsi fəaliyyətin başlanmasında, davamlılığında problem varsa, demək, kişi impotensiya ilə üz-üzədir. Adətən, kişilər bu problemlərindən danışmağa çəkinir, bacardıqca gizlədirlər. Hazırda dünya üzrə 40-70 yaş arasında olan kişilərin 50%-indən çoxu erektil disfunksiya yaşayır.
Cinsi istəyə rəğmən, sərtləşmə probleminə görə, cinsi əlaqəyə girə bilməmək kişinin cinsi həyatını bərbad hala salmaqla qalmır, sosial həyatına da mənfi təsir edir. Narahatlığı olduğu kimi qəbullana bilməmək müalicə axtarışlarına da mane olur. Nəticə etibarilə, vəziyyət günbəgün pisləşir. Mütəxəssislər erektil disfunksiyanın səbəblərinin müxtəlif olduğu qənaətindədirlər:
1. Qayğı. Kişilərdə cinsi həvəs beyni, hormonları, duyğuları, sinirləri, əzələləri və damarları əhatə edən qarışıq prosesdir. Bunlardan hər hansı birində problem olarsa, erektil disfunksiya yaşana bilir. Oxşar şəkildə, stress və zehni yüklənmə də cinsi həvəsə mənfi təsir edir. Elə hallar olur ki, fiziki və psixi amillər birləşərək kişinin sərtləşməsinə imkan vermirlər. Məsələn; kişinin həyatında problemlər çoxdursa, fikri hansısa həyati problemə ilişib qalıbsa, cinsi həyatında aktivlik göstərməyə bilir;
2. Xroniki xəstəliklər. Cinsi həvəs olduğu halda cinsi orqan sərtləşmirsə, həmən həyəcanlanmağa əsas yoxdur. Cinsi meyillərə konsentrasiya olmaqla məsələni yoluna qoymaq mümkündür. Lakin bu mənfi hal 3 ayadək uzanan bir müddətdə dəfələrlə təkrarlanırsa, həkimə getmək lazımdır. Bu zaman dəqiq diaqnoz qoyulur, erektil disfunksiyanın səbəbi aşkarlanır. Sərtləşmədə çətinliklərin yaşandığı dövr 30 yaşdan sonra başlayır. Xroniki xəstəliklər, nahiyə zədələnmələri, cərrahi əməliyyat, alkoqol qəbulu, siqaret çəkmək vərdişi, damar tıxanıqlığı sərtləşmə probleminin ən çox rast gəlinən səbəbləridir. Diabet xəstələrində qanda şəkərin nizamsız şəkildə qalxıb-düşməsi də kişiyə ereksiya olmaq şansı tanımır;
3. Psixoloji səbəblər. Partnyoru həddən artıq qısqanmaq, yaxud partnyorunu aldatmaq, təcrübəsizlik, uyğun olmayan mühit, özünəinamın olmaması, depressiya, işdən qaynaqlanan stress, şizofreniya, fobiyalar, günahkarlıq hissi, gizli homoseksuallıq erektil disfunksiyanın səbəbləri sırasındadır;
4. Dərmanlar. Təzyiq dərmanlarının, ürək dərmanlarının, sidikqovucuların, mədə dərmanlarının, antidepressantların, antiepileptiklərin qəbulu, alkoqol və ya toksik maddələr asılılığı, siqaret çəkmək vərdişi, narkotik asılılığı kimi durumlarda da kişinin cinsi həyatı alt-üst ola bilir;
5. Damar problemləri. Cinsi orqana gedən qan axımında azalma, yaxud qanın cinsi orqanda lazımi müddətdə qalmaması da sərtləşməyə imkan vermir. Damarlarda narahatlıqların yaranmasının risk faktorları bunlardır: siqaret çəkmək vərdişi, yüksək təzyiq, diabet, ürək xəstəlikləri, yüksək xolesterol səviyyələri. Müalicə almayan təzyiq xəstələrinin 8-10%-ində sərtləşmə problemi getdikcə daha da ağırlaşır. 50 yaşdan yuxarı kişilərdə damar tıxanıqlığı, damar divarlarının elastikliyini itirməsi də baş verir ki, bu da cinsi orqana ötürülən qanın axımına mane olur;
6. Nevroloji səbəblər. Alkoqoliklərdə və şəkər xəstələrində sinirlərin xəsarət alması geniş yayılıb. Nəticədə, mərkəzi sinir sistemi xəstəlikləri qaçılmaz olur. Onurğada ereksiya mərkəzinə təsir edən xəsarət, yaxud şiş erektil disfunksiyaya gətirib çıxarır. Cinsi orqanın sinirlərində zədələnmələr olanda da sərtləşmə çətinləşir;


Erektil disfunksiyanın qarşısını almaq üçün mütəxəssis tövsiyələrinə diqqət etmək lazımdır:
1) Ürək-damar xəstəliyi və ya diabet kimi sistemik xəstəlik varsa, mütləq müalicə alın;
2) Həddən artıq alkoqol qəbul etməyin;
3) Narkotik kimi istifadə olunan bütün maddələrdən uzaq durun;
4) Siqareti tərgidin;
5) Müntəzəm şəkildə idman edin;
6) Stressi ortaya çıxaran vəziyyətlərdən uzaq durun;
7) Yuxusuzluq yaşayırsınızsa, mütəxəssisə müraciət edin;
8) Nizamlı olaraq uroloq-androloq müayinəsindən keçin;