İLK DƏFƏ! PARLAMENTİN 1-Cİ VİTSE-SPİKERİ, MÜXALİFƏT LİDERİ VƏ POLKOVNİK BİR ARADA! ‘’DƏRİN TƏHLİL’’

#ƏliHüseynli #Parlament #Zəfərgünü #Qarabağ #PanahHuseyn #UzeyirCafarov #ŞuşaGünü
Hazırda “TV Müsavat"ın efirində "Dərin təhlil" verilişi yayınlanır.

Proqramın bugünkü buraxılışı Vətən müharibəsində Zəfərimizin birinci ilinə həsr olunub.

Verilişdə aşağıdakı mövzular müzakirə edilir, suallara cavab axtarılır:

44 günlük müharibədə əldə etdiyimiz milli həmrəyliyimiz, siyasi həmrəyliyimiz davam edir, yoxsa daha həmrəy deyilik?

Qələbəmizin, Zəfərimizin sehrli formulu necə ifadə oluna bilər?

Vətən müharibəsi bitdi, Vətən uğrunda savaş nə zaman bitəcək?

Ötən il bu zaman Ali Baş Komandanın yanında olan müxalifət bu gün Prezidentin yanındadır, yoxsa qarşısında?

İqtidar siyasi opponentlərindən nə gözləyir, nə istəmir?

Erməni ilə sülh... neçəyədir?!

"Qarşılıqlı güzəştlər"in qarşılığı nədir?

''Xankəndində Azərbaycan bayrağı dalğalanmır, bölgədə erməni terrorçuları qalıb, qondarma rejimin elementləri fəaliyyət göstərir''. Bu fikirlərə iqtidar baxışı və cavabı.

Xankəndində Azərbaycanşünaslıq mərkəzi açılıb. Məlumata görə, Mərkəzdə Azərbaycan və Türkiyəyə qarşı informasiya mübarizəsinə töhfə verə biləcək mütəxəssislər yetişdiriləcək. Əslində, buna inteqrasiya prosesinin tərkib hissəsi kimi baxıla biləmi? Ermənilər Azərbaycanın gəlişinə hazırlaşırlar...

Qələbənin səbəblərindən danışırıq. Amma daha önəmli bir mövzu da var - Qələbəmiz nələrə səbəb oldu və olacaq?

Ermənistanın 30 illik işğalı beynəlxalq məhkəmədə mübahisələndirilməlidir. Bu işləri udmaq üçün Azərbaycan tərəfi nə edib? Sübutlar toplanıbmı? Beynəlxalq təşkilatlar, ekspertlər çağırılıbmı? Sanki bu istiqamətdə heç bir iş getmir.

Ermənistan niyə Azərbaycanın sülh çağırışlarına, görüş təkliflərinə reaksiya vermir?

Qələbəmizdə Türkiyə və Ərdoğan amili - onlar olmasaydı...

1 il öncə fürsət var ikən niyə Xankəndinə girmədik? Girsək nə olardı, bunun bədəlini ödəmək mümkün deyildimi?

Rusiya sülhməramlıları Qarabağa gəlməsəydi, kimlər gələcəkdi?

"Yeni Müsavat" Media Qrupunun rəhbəri, Əməkdar jurnalist Rauf Arifoğlunun moderatorluğu ilə canlı yayınlanan verilişin qonaqları Milli Məclis sədrinin birinci müavini Əli Hüseynli, AXP sədri, sabiq Baş nazir Pənah Hüseyn və ehtiyatda olan polkovnik Üzeyir Cəfərovdur.

Bu tarixi verilişdə oxucularımız da iştirak edə bilərlər. Bunun üçün aşağıdakı linklərdən biri vasitəsi ilə canlı yayına keçid edin, efirə qoşulun.