#ព្រះបន្ទូលនៃសេចក្ដីពិតសម្រាប់ថ្ងៃពុធ

#ចំណងជើងវីដេអូ៖ «ផែនការដ៏ធំរបស់ព្រះសម្រាប់ការប្រោសលោះ» God’s Grand Plan For Redemption

#រៀបរៀងឡើងដោយ Pastor Chris

#ព្រះបន្ទូលនៃសេចក្ដីពិតសម្រាប់ថ្ងៃពុធ ទី១១ ខែកញ្ញា ឆ្នាំ២០២៤។

«ផែនការដ៏ធំរបស់ព្រះសម្រាប់ការប្រោសលោះ» God’s Grand Plan For Redemption

#អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប»

ដ្បិត​ដូច​ជា​មនុស្ស​ជា​ច្រើន បាន​ត្រឡប់​ជា​មាន​បាប ដោយ‌សារ​មនុស្ស​តែ​ម្នាក់ មិន​បាន​ស្តាប់​បង្គាប់​ជា​យ៉ាង​ណា នោះ​មនុស្ស​ជា​ច្រើន ក៏​បាន​ត្រឡប់​ជា​សុចរិត ដោយ‌សារ​ម្នាក់​បាន​ស្តាប់​បង្គាប់​វិញ​យ៉ាង​នោះ​ដែរ (រ៉ូម ៥:១៩)។

ពេល​អ័ដាម​ត្រូវ​បាន​បង្កើត​ឡើង គាត់​មាន​ភាព​គ្មាន​កំហុស ដោយ​ដឹង​តែ​ពី​ការ​ល្អ ព្រោះ​អ្វី​ៗ​ដែល​ព្រះ​បាន​បង្កើត​គឺ​ល្អ (លោកុប្បត្តិ ១:៣១)។ ព្រះ​បាន​ទុក​ចិត្ត​អ័ដាម​ដោយ​ឱ្យមាន​សិទ្ធិ​អំណាច​លើ​ការ​បង្កើត​របស់​ទ្រង់ ដោយ​ធ្វើ​ឲ្យ​គាត់​ជា​អ្នក​ចាត់ចែង​នៃ​ពិភពលោក​នេះ​យ៉ាង​មាន​ប្រសិទ្ធភាព។ រួមជាមួយសិទ្ធិអំណាចនេះ ព្រះបានផ្ដល់ការណែនាំជាក់លាក់ដល់អ័ដាម ដែលគួរឱ្យកត់សម្គាល់ គឺមិនត្រូវបរិភោគពីដើមឈើនៃការចំណេះដឹងអំពីអំពើល្អនិងអាក្រក់ ដែលនៅកណ្តាលសួនច្បារនោះទេ។

ព្រះ​បាន​ព្រមាន​អ័ដាម​យ៉ាង​ច្បាស់ ​អំពី​ផល​វិបាក​នៃ​ការ​បរិភោគផលពីដើម​ឈើ​នោះ៖ «...ដ្បិត​នៅ​ថ្ងៃ​ណា​ដែល​ឯង​ស៊ី នោះ​នឹង​ត្រូវ​ស្លាប់​ជា​មិន​ខាន» (លោកុប្បត្តិ ២:១៦-១៧)។ ទៅជាយ៉ាង​ណា​ក៏​ដោយ អ័ដាម​មិន​ស្តាប់​បង្គាប់​ព្រះ ហើយ​បានបរិភោគ​ពីដើម​ឈើ​ហាម​ឃាត់។ ទង្វើនៃការមិនស្តាប់បង្គាប់នេះ បានបង្កើតជាការក្បត់ជាតិប្រឆាំងនឹងព្រះ ហើយជាលទ្ធផល អ័ដាមបានបាត់បង់សិទ្ធិអំណាចរបស់គាត់ទៅសាតាំង ដែលក្រោយមកបានក្លាយជាព្រះនៃពិភពលោកនេះ។

ប៉ុន្តែ​ព្រះ ដោយ​សេចក្តី​មេត្តាករុណា និង​ប្រាជ្ញា​ដ៏​គ្មាន​ទីបញ្ចប់​របស់​ទ្រង់ មាន​ផែនការ​សម្រាប់​ការ​ប្រោសលោះ។ ទ្រង់បានបញ្ជូនអ័ដាមម្នាក់ទៀត — ជាអ័ដាមទីពីរ និងចុងក្រោយមក — គឺព្រះយេស៊ូវគ្រីស្ទ៖ «...លោក​អ័ដាម ដែល​ជា​មនុស្ស​មុន​ដំបូង​ថា «បាន​ត្រឡប់​ជា​មាន​ព្រលឹង​រស់» តែ​លោក​អ័ដាម​ក្រោយ​បង្អស់ ជា​វិញ្ញាណ​ដ៏​ប្រោស​ឲ្យ​រស់​វិញ ...មនុស្ស​មុន​ដំបូង​កើត​មក​ពី​ដី គឺ​ធ្វើ​មក​ពី​ធូលី​ដី តែ​មនុស្ស​ទី​២ ជា​ព្រះ‌អម្ចាស់​ដែល​ចេញ​មក​ពី​ស្ថាន‌សួគ៌​វិញ» (១កូរិនថូស ១៥:៤៥&៤៧)។ សូម​នឹក​ចាំ​ពី​អ្វី​ដែល​យើង​បាន​អាន​នៅ​ក្នុង​វគ្គ​បទ​គម្ពីរផ្ដើម​របស់​យើង។ ព្រះអម្ចាស់យេស៊ូវគ្រីស្ទ តាមរយៈការគោរពប្រតិបត្តិដ៏ល្អឥតខ្ចោះរបស់ទ្រង់ និងការសុគត ដោយយញ្ញបូជានៅលើឈើឆ្កាង បានស្ដារឡើងវិញនូវទំនាក់ទំនងដែលខូចរវាងព្រះ និងមនុស្សជាតិ។

ការស្តាប់បង្គាប់របស់ព្រះយេស៊ូវ បានប្រឆាំងនឹងការមិនស្តាប់បង្គាប់របស់អ័ដាម ដោយផ្តល់ការរាប់ជាសុចរិត និងជីវិតអស់កល្បជានិច្ច ដល់អស់អ្នកដែលជឿលើទ្រង់។ ដូច្នេះ តាមរយៈព្រះយេស៊ូវគ្រីស្ទ ផែនការរបស់ព្រះសម្រាប់ការប្រោសលោះ និងសេចក្តីសុចរិតត្រូវបានសម្រេច។ គ្មានអ្វីដែលគួរឱ្យឆ្ងល់ឡើយ ដែលទ្រង់បានប្រកាសនៅក្នុង យ៉ូហាន ១៤:៦ មានបន្ទូលថា «ខ្ញុំ​ជា​ផ្លូវ ជា​សេចក្ដី​ពិត ហើយ​ជា​ជីវិត បើ​មិន​មក​តាម​ខ្ញុំ នោះ​គ្មាន​អ្នក​ណា​ទៅ​ឯ​ព្រះវរ‌បិតា​បាន​ឡើយ »។ ទ្រង់គឺជាសេចក្តីសង្រ្គោះដ៏អស់កល្បជានិច្ច។ ហាលេលូយ៉ា!

#សេចក្ដីអធិស្ឋាន
ឱព្រះវរបិតាជាទីគោរព កូនដឹងគុណអស់កល្បជានិច្ច ចំពោះការប្រោសលោះ ដែលទ្រង់បានប្រទានតាមរយៈ ការគោរពប្រតិបត្តិរបស់ព្រះយេស៊ូវគ្រីស្ទ។ សូមអរព្រះគុណ ចំពោះការលះបង់ដ៏ឧត្តុង្គឧត្តមរបស់ទ្រង់ និងការរស់ឡើងវិញដ៏រុងរឿងរបស់ទ្រង់បាននាំយើងទៅក្នុងជីវិតដ៏ឧត្តុងឧត្តុមរបស់ទ្រង់នេះ កូន​គឺ​ជា​ការ​បង្ហាញ​ពី​ព្រះគុណ សេចក្ដី​ស្រឡាញ់ និង​សេចក្ដី​សុចរិត​របស់​ទ្រង់ ដោយ​រស់​នៅ​ក្នុង​ជីវិត​ដែល​មិន​អាច​រលួយ មិន​អាច​វិនាស​បាន និង​មិន​អាច​គ្រប់គ្រង​បាន​ក្នុង​ព្រះគ្រីស្ទ។ អេមែន! សូមព្រះប្រទានពរ!

#ការសិក្សាបន្ថែម៖ ១កូរិនថូស ១៥:២២ ភីលីព ២:៨ និង ហេព្រើរ ៥:៨-៩ (ការកើតជាថ្មីកម្ពុជា)