Скачать или смотреть ចំណូលពីការលក់សៀវភៅ“ធម្មជាតិក្នុងចិត្ត” បណ្តុះផ្នត់គំនិតស្រឡាញ់សន្តិភាព ធម្មជាតិនិងបរិស្ថានដើម្បី...

សៀវភៅ “ធម្មជាតិក្នុងចិត្ត” បណ្តុះផ្នត់គំនិតស្រឡាញ់សន្តិភាព ធម្មជាតិ និងបរិស្ថានជាដើមដែលមានតម្លៃត្រឹមតែ៣៤៩០០រៀលឬ៨.៥ដុល្លារក្នុងមួយក្បាលតែប៉ុណ្ណោះរាល់ចំណូលពីការលក់ស្នាដៃនេះ នឹងត្រូវបរិច្ចាគចូលមូលនិធិ ម៉េងលី ជេ. គួច ដើម្បីគាំទ្រដល់សកម្មភាពជួយសង្គ្រោះប្រជាជនដែលងាយរងគ្រោះនៅទូទាំងប្រទេសកម្ពុជា។ក្នុងពិធីសម្ពោធកាលពីព្រឹកថ្ងៃទី១១ខែកញ្ញានេះនៅឯបណ្ណាគារអន្តរជាតិសាខាទួលគោក អ្នកឧកញ៉ាវេជ្ជបណ្ឌិតគួច ម៉េងលី ស្ថាបនិកប្រធានក្រុមប្រឹក្សាភិបាលនិងអគ្គប្រតិបត្តិក្រុមហ៊ុនម៉េងលីជេ.គួចអេឌ្យូខេសិនមានប្រសាសន៍លើកឡើងឲ្យដឹងថាតាម
រយៈគ្រឹះស្ថានបោះពុម្ពនៃសាកលវិទ្យាល័យម៉េងលីជេ.គួចនិងដៃគូចែកផ្សាយបណ្ណាគារអន្តរទ្វីប
វណ្ណកម្មថ្មីសន្លាងនេះរៀបរាប់ពីដំណើរអញ្ជើញចូលគាល់សម្តេចប៉ាបពីសំណាក់អ្នកឧកញ៉ានិងតំណាងពុទ្ធសាសនិកកម្ពុជានៅឯវិមានវ៉ាទីកង់ក្នុងរាជធានីវ៉ាទីកង់ប្រទេសម៉ូណាកូកាលពីដើមឆ្នាំ២០២៣កន្លងទៅនិងឆ្លុះបញ្ចាំងពីដំណើរអញ្ជើញទៅប្រទេសមួយចំនួនទៀតក្នុងតំបន់អឺរ៉ុប។ក្នុងដំណើរដ៏មានន័យខ្លឹមសារនោះមានសារសំខាន់ៗជាច្រើនត្រូវបានលើកយកមកពិភាក្សាទាក់ទងនឹងសន្តិភាពដែលគួរបណ្តុះពីក្នុងចិត្ត, ការចូលរួមស្រឡាញ់និងថែរក្សាធម្មជាតិ, ការផ្សះផ្សារបួសក្នុងធម្មជាតិ,សេរីភាពក្នុងការគោរពនិងបដិបត្តិសាសនាផ្សេងៗនៅក្នុងប្រទេសកម្ពុជា, វិបត្តិមនុស្សជាតិបង្កឡើងដោយសង្គ្រាម, វិបត្តិមនុស្សជាតិបង្កឡើងដោយជម្លោះសាសនា, វិបត្តិបរិស្ថានបង្កឡើងដោយមនុស្សនិងសង្គ្រាម, ភាពលោភលន់បង្កឱ្យមានវិបត្តិរ៉ាំរ៉ៃក្នុងសង្គម,ផលវិបាកចំពោះមនុស្សនិងហេដ្ឋារចនាសម្ពន្ធសង្គមក្រោយសង្គ្រាមផុតរលត់ទៅនិងបញ្ហាវិបត្តិផ្លូវចិត្តរបស់ប្រជាជនខ្មែរនៅឯបរទេស។ វណ្ណកម្មថ្មីនេះមានតម្លៃសម្រាប់អ្នកអានគ្រប់វ័យដើម្បីបង្កើនចំណេះដឹងសិក្សាស្រាវជ្រាវនិងស្វែងយល់បន្ថែមអំពីសន្តិភាព ការគោរពប្រតិបត្តិសាសនានៅកម្ពុជា និងការបង្កើតសន្តិភាពផ្លូវចិត្តតាមជំនឿសាសនាដែលយើងគោរពផងដែរ។
…(សម្ភាសន៍អ្នកឧកញ៉ាវេជ្ជបណ្ឌិតគួច ម៉េងលី)…
គួរបញ្ជាក់ដែរថាតាមរយៈគ្រឹះស្ថានបោះពុម្ពនៃសាកលវិទ្យាល័យ ម៉េងលី ជេ. គួចសៀវភៅនេះបានប្រើពេលអស់ជិត២ឆ្នាំនិងចំណាយធនធានយ៉ាងច្រើនដើម្បីគាំទ្រដល់ដំណើរការផលិតស្នាដៃនេះឱ្យលេចចេញជារូបរាងឡើង៕