Псалом 25, Псалом Давиду (Молитва об избавлении от страстей)

Пожертвовать на развитие канала - https://www.donationalerts.com/r/skitter

Суди ми, Господи, яко аз незлобою моею ходих, и на Господа уповая, не изнемогу. Искуси мя, Господи, и испытай мя, разжзи утробы моя, и сердце мое. Яко милость Твоя пред очима моима есть, и благоугодих во истине Твоей. Не седох с сонмом суетным, и со законопреступными не вниду. Возненавидех церковь лукавнующих, и с нечестивыми не сяду. Умыю в неповинных руце мои, и обыду жертвенник Твой, Господи. Еже услышати ми глас хвалы Твоея, и поведати вся чудеса Твоя. Господи, возлюбих благолепие дому Твоего и место селения славы Твоея. Да не погубиши с нечестивыми душу мою, и с мужи кровей живот мой. Ихже в руку беззакония, десница их исполнися мзды. Аз же незлобою моею ходих, избави мя, Господи, и помилуй мя. Нога моя ста на правоте: в церквах благословлю Тя, Господи.