Скачать или смотреть ჯანდაცვის მინისტრის ვიზიტი ჩინეთში

შრომის, ჯანმრთელობისა და სოციალური დაცვის მინისტრი დავით სერგეენკო სამუშაო ვიზიტით ჩინეთში იმყოფება. დავით სერგეენკო და სოციალური დაცვის დეპარტამენტის ხელმძღვანელი ნინო ოდიშარია მონაწილეობას იღებენ მსოფლიო ბანკის მიერ ორგანიზებულ საერთაშორისო ფორუმში, სახელწოდებით, „ურბანიზებულ მსოფლიოში წარმოქმნილი სოციალური დაცვის სისტემები“. ფორუმი ეძღვნება თანამედროვე ქალაქებში არსებული სოციალური დაცვის მართვის სისტემების მნიშვნელობას.
სამუშაო ვიზიტის ფარგლებში დავით სერგეენკო ჩინეთის ჯანდაცვის მინისტრის მოადგილესა და სოციალური დაცვის მინისტრს შეხვდა. შეხვედრაზე განხილულ იქნა ჯანდაცვის სფეროში ორმხრივი თანამშრომლობის სამომავლო პერსპექტივები და გეგმები. მხარეები შეთანხმდნენ, რომ უახლოეს მომავალში გააფორმდება ურთიერთთანამშრომლობის მემორანდუმი, რაც ხელს შეუწყობს საქართველოსა და ჩინეთს შორის ჯანდაცვის სფეროში ურთიერთობის განვითარებას, ერთობლივი პროექტების განხორციელებისა და სამუშაო ჯგუფების შექმნის კუთხით. მინისტრმა ჩინელი კოლეგა ქალბატონი ლი ბინი საქართველოში მოიწვია.