Скачать или смотреть 🎥សម្ដេចធិបតី៖ អាកាសយានដ្ឋានអន្តរជាតិតេជោថ្មី គឺជាគម្រោងវិនិយោគរបស់ជនជាតិខ្មែរ ១០០%

ក្នុងថ្ងៃសម្ពោធដាក់ឱ្យប្រើប្រាស់ជាផ្លូវការ «អាកាសយានដ្ឋានអន្តរជាតិតេជោ» នៅថ្ងៃទី២០ ខែតុលានេះ, សម្ដេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា បានបញ្ជាក់ថា ព្រលានយន្តហោះស្ដង់ដារអន្តរជាតិថ្មីរបស់កម្ពុជានេះ គឺជាគម្រោងវិនិយោគរបស់ជនជាតិខ្មែរ ១០០% មិនមែនជាការវិនិយោគរបស់ប្រទេសនេះ ឬប្រទេសនោះ ដូចការផ្សព្វផ្សាយមួយចំនួននោះទេ។ តាមសម្ដេចធិបតី, អាកាសយានដ្ឋានអន្តរជាតិតេជោថ្មី គឺជាគម្រោងវិនិយោគ ៩០% របស់ក្រុមហ៊ុន OCIC ខណៈ ១០% ទៀត គឺជារបស់រដ្ឋលេខាធិការដ្ឋានអាកាសចរណ៍ស៊ីវិល។

ពិសេសជាងនេះទៀត ព្រលានយន្តហោះថ្មីនេះ មិនត្រឹមតែជាគម្រោងវិនិយោគដោយជនជាតិខ្មែរ១០០%ទេ តែស្ថាបត្យករ, វិស្វករ និងអ្នកសាងសង់ ក្នុងដំណាក់កាលបើកការដ្ឋានសាងសង់ដំបូង ក៏ជាកូនខ្មែរ ៩០% ផងដែរ។ សម្ដេចធិបតី គូសបញ្ជាក់ថា គោលដៅបន្ទាប់នឹងធ្វើយ៉ាងណាឱ្យការសាងសង់ព្រលានយន្តហោះអន្តរជាតិថ្មីនេះ នឹងប្រើដោយធនធានមនុស្សខ្មែរ ១០០% តែម្ដង នាថ្ងៃអនាគត។ ដូច្នេះ អាកាសយានដ្ឋានអន្តរជាតិតេជោ គឺជាសមិទ្ធិផលរបស់រាជរដ្ឋាភិបាលកម្ពុជា ដែលកើតឡើងពីការចូលរួមរបស់វិស័យឯកជនមួយផ្នែកធំ នៅក្នុងការពង្រឹងវិស័យសេដ្ឋកិច្ចជាតិ ដោយប្រើប្រាស់ប្រជាជនខ្មែរ និងទុនក្នុងស្រុក។

Facebook:   / preah.khan.khmer  
Telegram: https://t.me/preah_khan
TikTok:   / preah_khan