出爐港姐倪樂琳大熱奪后冠 梁嘉莹嘆漢堡包薯條飽胃口

出爐港姐倪樂琳大熱奪后冠 梁嘉莹嘆漢堡包薯條飽胃口

TVB《2024香港小姐競選》圓滿落幕，冠軍2號倪樂琳Ellyn、亞軍11號梁嘉莹Emily
兼獲「最上鏡小姐」、季軍14號楊梓瑤Amina同獲「才藝女神大獎」及「智囊百選女神大獎」，成為三料季軍，得獎後三位仍然心情激動。奪得冠軍寶座嘅倪樂琳話總算鬆一口氣，但當回望同佳麗嘅外景片段時即忍唔住喊起嚟，而比賽中佢最滿意係自己泳裝問答環節。亞軍梁嘉莹整晚表現自信發揮水準，佢最滿意自己打鼓嘅才藝演出，知道現場獲得好高呼聲。季軍楊梓瑤同樣最滿意才藝表演。

今年賽果破天荒由觀眾投票以及專業評判評分各佔50%，賽果兼顧專業意見同民意，10號吳芷靖喺賽前一直被視為大熱，可惜最終落敗梗頸四，賽後佢同一眾佳麗都流下開心嘅淚水，變成喊包，吳芷靖話入到四強已經係好好嘅結果，認為自己可能遜色在才藝表演失手及廣東話唔流利。

獲得友誼小姐嘅王汛文好感謝一班女仔俾嘅愛，令佢非常感動，講到倪樂琳奪冠，佢即爆喊稱讚對方係菲律賓之光，因為佢哋係同組到菲律賓碧瑤拍攝外景。8號盧凱怡稱未能打入四強原本想喺選美舞台留張美好照片，當見到師姐馮盈盈及大家時，即淚流披面。

賽果塵埃落定，連電視廣播有限公司節目內容營運總經理曾志偉先生，同埋評判之一嘅阿姐汪明荃都覺得三甲係眾望所歸，志偉話三甲係佢心目中人選，Liza姐透露分數之爭好緊張。

比賽後冠亞季軍得獎佳麗一齊返到酒店，屋企人第一時間迎接，倪樂琳同媽媽一見面先錫啖媽咪，其母表示對囡囡嘅發揮好滿意，更大讚女兒乖乖女又負責任。梁嘉莹獲姐姐迎接，知道妹妹已經減肥三個月，仲專登買定佢最愛嘅漢堡包同薯條慰勞獎勵，見梁嘉莹不知食得幾開心。楊梓瑤嘅餅印媽媽同哥哥專誠由荷蘭返港支持，楊梓瑤話自己咁成功嘅舞藝全賴媽咪教路。

#2024香港小姐競選 #倪樂琳 #梁嘉莹 #楊梓瑤 #吳芷靖 #盧凱怡 #王汛文 #菲律賓碧瑤 #選美舞台 #才藝女神大獎 #最上鏡小姐 #智囊百選女神大獎 #曾志偉 #汪明荃 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0