Top News/ Evropa përgatitet për Luftën Botërore? / 800 mijë trupa të NATO-s në Gjermani, gati plani

Vendet evropiane po përgatiten për një luftë të gjithanshme në kontinent pasi Ukraina lëshoi raketa të prodhuara nga SHBA në Rusi për herë të parë dhe Vladimir Putin zyrtarisht uli pragun që Moska të konsideronte një sulm bërthamor.
Ministrja e Jashtme e Gjermanisë tha se vendi i saj 'nuk do të frikësohet' nga Putin, vetëm një ditë pasi media gjermane zbuloi se vendi do të shndërrohet në një terren të NATO-s nëse konflikti në Lindje do të përshkallëzohet. Sipas një dokumenti prej 1000 faqesh të titulluar 'Operationsplan Deutschland', thuhet se Gjermania do të presë qindra mijëra trupa nga vendet e NATO-s dhe do të shërbente si një qendër logjistike për dërgimin e sasive të mëdha të pajisjeve ushtarake, ushqimeve dhe ilaçeve drejt frontit. Ushtria gjermane po udhëzon gjithashtu kompanitë dhe civilët se si të mbrojnë infrastrukturën kryesore dhe të mobilizohen për mbrojtjen kombëtare, duke parashikuar një situatë në të cilën Rusia zgjeron fluturimet me dronë, operacionet e spiunazhit dhe sulmet sabotuese në të gjithë Evropën. Bizneset janë këshilluar të krijojnë plane krize që detajojnë përgjegjësitë e punonjësve gjatë emergjencave dhe do të udhëzohen të grumbullojnë gjeneratorë me naftë ose të instalojnë turbina me erë për të siguruar pavarësinë energjitike.
Përgatitja e Gjermanisë ndjek shembujt e vendeve nordike, ku broshurat dhe emailet tashmë janë dërguar në miliona shtëpi me këshilla për kërkimin e strehimit, grumbullimin e furnizimeve dhe stërvitjen elementare ushtarake. Finlanda u kujtoi qytetarëve të saj 'detyrimin e tyre të mbrojtjes kombëtare' dhe së fundi hapi një faqe të re interneti me informacione, ndërsa Suedia prezantoi një udhëzues të detajuar se si të kërkohet strehim i sigurt dhe cfarë duhet bërë në rast të një sulmi bërthamor. Manualet e tyre udhëzuese ndjekin këshilla të ngjashme të lëshuara nga fqinjët e tyre në baltik, Norvegjia dhe Danimarka, që kanë publikuar lista për furnizimet me ushqime dhe ilaçe që qytetarët duhet të kenë gati.

Pamje: AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopNews#SHBA#NATO