عزوة عتيبه |كلمات رشدي السيالي | اداء صافي الثبيتي

اشترك في القناه _ لايك

لطلب تصاميم مصمم | Mazen

    / 2sj9clo8  

كلمات ؛

لاتنادوني الا للامور الثقيله
والله اني ماجي الا فاللزوم القويه
شاعرن حزة الميقاف مافيه حيله
وان تقدم على المنبر له الاولويه
لو ابا الشهره اوصلها و بـ هون وسيله
والله ياكم فرصه جاتني في يديه
عارف اللي يلامس للجروح العليله
ومن محيط التوازن يسرق الجاذبيه
بس مابغا طواريقه ولا ابغا حصيله
والله اني خوين مبتلش مع خويه
مايريح ضميري غير وبل المخيله
والله انه سعة بالي وياحي حيه
خيلي يامخايل فوق راس الطويله
سيل مُره نباه يساقي الزافريه
امطري واركدي لين الوطا يسيل سيله
تصبح الارض من خيره كما المزهريه
والكفو لن دعاني والله اني لجي له
ولا بعض الاوادم لايشره عليييه
يا محمد انا محزمك لا جات ميله
ماهي الا وفاء من طيب راس وحميه
يا ولد من يخلي الحيل مثل النثيله
كم سكينه اكلت من رباع وثنيه
ذاك ابو ماجد المطنوخ ربي وكيله
اشهد انك يا سفران بن عيفه قضية
تفني المال وتمثل لحالك قبيلة
مد كفك سواة المزنه العقربيه
والله انك مضيف ولا يبالك دليله
انت رمز الكرم والعود والشاذليه
والله انك تضيّف ليلتن سد ليله
رغم ميل الظروف الا ان كفك سخيه
فيه عالم كل كثر الدراهم بخيله
ماتجي المصلخ الا يوم عيد الضحيه
من يناحيك ياراع الكرم عزتي له
ومن تنصاك يلقى النار من عصر حيه
مرحبا باسم قومن تعشق المستحيله
السياييل اهل قاله من الجاهليه
عزوتن من خلقها الله ماتمشي ذليله
يوم ضلا لبارود المداقيل فيّه
دون هيباتنا حد السيوف الصقيله
والله انا الحرار الندر الصيرميه
عزوة عتيبه اصحاب البيوت الضليله
من علو الحجاز الين نجد العذية ..