Скачать или смотреть Myanmar Traditional Snacks - မုန့်ပေါင်း နှင့် ဆပ်သဖူးမုန့်

တစ်ခါက ပဲခူးဖက်ကို ခရီးသွားရင်းနဲ့အပြန်မှာ လှည်းကူးမြို့နယ်ကို ဖြတ်လာတော့ မြို့နယ်ခန်းမနားမှာ အခုနောက်ပိုင်း လုပ်ရောင်းတာရှားပါးနေပြီဖြစ်တဲ့ မြန်မာ့ရိုးရာမုန့်တွေဖြစ်တဲ့ မုန့်ပေါင်း (Steamed Rice Cake) နဲ့ ဆပ်သဖူးမုန့် (Glutinous Rice Roll with Coconut Jam) လေးတွေကို roadside food အနေနဲ့ ရောင်းချနေတာ တွေ့မြင်ခဲ့ရလို့ တချိန်ချိန်တော့ သွားစားဦးမယ်ဆိုပြီး စိတ်ထဲ မှတ်သားထားခဲ့ပါတယ်။ အခုတော့ အခါအခွင့်သင့်ပြီမို့ ကျနော်လည်း သွားဝယ်စားရင်း Willy, the Taste Explorer channel လေးကို ကြည့်ရှုအားပေးနေသူတွေအတွက်လည်း သတင်းလက်ဆောင်ပါးချင်စိတ်နဲ့ ဒီ video လေးကို ဖန်တီးဖြစ်ခဲ့ပါတယ်။

ဒီ မုန့်လုပ်ရောင်းတဲ့ ဒေါ်ဒေါ်က သူ့အဒေါ်တွေဆီကနေသင်ယူပြီး ဒီမုန့်လေးတွေကို လုပ်ရောင်းလာခဲ့တာ ဖြစ်ပြီး မျိုးဆက်အဆင့်ဆင့် လက်ဆင့်ကမ်းပြီး ရောင်းချလာတာ နှစ်ပေါင်း (၈၀) လောက်တောင် ကြာမြင့်ခဲ့ပြီ ဖြစ်ကြောင်း သိခဲ့ရပါတယ်။

ကောက်ကြီးဆန်မှုန့်ကို အခြေခံပြီး ပြုလုပ်ထားတဲ့ ပဲလွန်းမုန့်ပေါင်းနဲ့ အုန်းယိုမုန့်ပေါင်းလေးတွေဟာ အိအိ‌ထွေးထွေးလေးနဲ့ အရမ်းကို စားကောင်းလှပါတယ်။ ကောက်ညှင်းဆန်မှုန့်ကို အုန်းယိုချိုချိုလေးနဲ့ ပေါင်းစပ်ပြီး လုပ်ထားတဲ့ ဆပ်သဖူးမုန့် ချိုချိုမွမွလေးကလည်း စားရတာ ခံတွင်းတွေ့ပါတယ်။

ဒါကြောင့်မို့ ဒီ Video လေးကို ကြည့်ရှုအားပေးကြသူတွေအနေနဲ့လည်း လမ်းကြုံတဲ့အခါ ရန်ကုန်-ပဲခူးကားလမ်းနဲ့ သဂ်ဟလမ်းထောင့်၊ နီလာဒံပေါက်ဆိုင်ရှေ့၊ လှည်းကူးခန်းမအနီး၊ လှည်းကူးမြို့နယ်မှာရှိတဲ့ roadside မြန်မာမုန့်ဆိုင်လေးမှာ‌ရောင်းတဲ့ ဆပ်သဖူးမုန့်နဲ့ မုန့်ပေါင်း ပူပူနွေးနွေး လတ်လတ်ဆတ်ဆတ်လေးတွေကို မြန်မာ့ရိုးရာအစားအစာကို မတိမ်ကောရလေအောင် ထိန်းသိမ်းတဲ့အနေနဲ့ သွားရောက်မြည်းစမ်းပြီး အားပေးကြဖို့ကိုလည်း တင်ပြလိုက်ရပါတယ်ခင်ဗျာ။
----- ----- ----- ----- ----- ----- ----- ----- ----- ----- ----- ----- ----- ----- ----- -----
Subscribe for more    / @tastes-willy  

Share this video with a friend:    • Myanmar Traditional Snacks - မုန့်ပေါင်း န...  

Credit for Background Music:
----- ----- ----- ----- ----- ----- ----- ----- ----- ----- ----- ----- ----- ----- ----- -----
Music track: Creativity by Aylex
Source: https://freetouse.com/music
No Copyright Vlog Music for Videos
#traditional
#traditionalsnacks
#traditionalfood
#steamed
#rolls
#rice
#glutinousricerecipe
#food
#coconut
#jam
#peas