Скачать или смотреть DKT. MPANGO AKAGUA UKARABATI NA UPANUZI WA KIWANJA CHA NDEGE KIGOMA

Makamu wa Rais wa Jamhuri ya Muungano wa Tanzania, Mheshimiwa Dkt. Philip Mpango amekagua na kupokea taarifa ya maendeleo ya ukarabati na upanuzi wa Kiwanja cha Ndege cha Kigoma unaoendelea kutekelezwa Mkoani Kigoma.

Dkt. Mpango amekagua uwanja huo, Julai 09, 2024 katika Manispaa ya Kigoma Ujiji ambapo kazi ya ukarabati na upanuzi inahusisha Ujenzi wa jengo la Abiria, maegesho ya ndege, njia za ndege, mnara wa kuongozea ndege, taa za kuongozea ndege wakati wa usiku na barabara za kuingia na kutoka uwanja wa ndege.

Dkt. Mpango ameridhishwa na kazi inayoendelea ya uboreshwaji wa Kiwanja cha Ndege cha Kigoma ambapo amesisitiza umuhimu wa uboreshaji wa Kiwanja hicho kwa maendeleo ya Mkoa wa Kigoma na Taifa kwa ujumla.