Ногæй та арвы цæф

Цæлыкк та ногæй их æмæ тыхджын уарынты бын кæй фæци, уымæ. Куыд загътам, афтæмæй та хъæуы а-изæр арв æмæ зæхх баиу сты. Уынгтæ та доны бын фесты.

Цæлыкк тæ ногæй доны бын фæци. Бынæттон цæрджыты ныхæстæм гæсгæ ацы хатт донивылд ноджы фыддæр уыд. Тæркъæвдаимæ æруæрыд тыхджын их дæр. Цæрджыты ныхæстæм гæсгæ аичы йас уыд. Адæмы хæдзæрттæ фæхоста, ныццъæл кодта рудзгуытæ. Уынгты дон калд адæмы хæдзæрттæм. Хъæуы хицауы куыд фекхъусын кодта, æфтæмæй дон бæхъыгдардтæ 250 хæдзары. Иннæ донивылдимæ абаргæйæ, сæ нымæц 3 хæтты фылдæр у. Доны æмвæзад дæр ныр метрæй фылдæр у. Бынæттон цæрджытæ уый рæзмæ æрдзон фыдбылзы фæстиуджытæ нæмæ аувæрс кодтой æмæ та ног бæллæх. Цы ныссыгьдæг кодтой, уыдон та дон ногæй фæласта. Акалд цæхæрæдæттыл æмæ хъæуы цæрджыты хуымтæ аласта. Цæлыкк иу стыр цад фестад.

Ныртæккæ Цæлыччы сфидар кодтой æнæнхъæлæджы уавæры фæтк. Æвæтиатæй ссыдысты бæрнон кусджыты къорд. Архæйынц дзы Сæбæтхъуаты Æхсарбег, Мамиаты Хъазыбег, Александр Хоружий, Фрайты Сослан, хъæуы хицау Санахъоты Эдуард. Ныхас кæнынц бынæттон цæрджытæн фыццаградон æххуыс бакæныныл.

Хьыгдæрдбæййæфджытæн бæйгом кодтой рæстæгмæ цæрæн бынæттæ. Адæмы уал æрцæрын кæндзысты Беслæны 7-æм училищæйы. Сифтонг йæ кæндзысты фыццаг хьæугæ дзæумæттæй, æрбаласдзысты сын хуыссæнгæрзтæ æмæ хæринæгтæ. Хъæуы та сæрæзтой æрфæрст. Кæй фæнды, уыдоны æдас ранмæ акæндзысты. Æнæнхъæлæджы уæвæрты министрады ирвæзынгæнджытæ ныртæккæ кусынц Цæлыччы. Æрбатардтой техникæ æмæ хæдзæртты кæртытæй дон цъирынц. Уæдмæ та адæм сты тасы - синоптикты хъусынгæнинагмæ гæсгæ боныхьæд нæ фæхуыздæр уыдзæн.
_
Мы рядом в:
vk.com/irystontv
instagram.com/irystontv
   / irystontv  
twitter.com/irystontv