The Nation Voice Myanmar |ပန်းချီကားကံစမ်းမဲလက်မှတ်ရောင်းကာ တော်လှန်ရေးကိုကူညီပေးမယ့်ဘုန်းဆက်သွင်

မွေးနေ့လက်ဆောင်အဖြစ် ပန်းချီကားကံစမ်းမဲလက်မှတ်တွေရောင်းကာ တော်လှန်ရေးအတွက် ကူညီပေးမယ့် ဘုန်းဆက်သွင်

ဩဂုတ် ၁၆၊ The Nation Voice

သရုပ်ဆောင် ဘုန်းဆက်သွင်ဟာ တော်လှန်ရေးအတွက် ကူညီပေးနိုင်ဖို့ မွေးနေ့လက်ဆောင်အဖြစ် ပန်းချီကားကံစမ်းမဲ လက်မှတ်တွေ ရောင်းချသွားမယ်လို့ သိရပါတယ်။

ဒီရက်ပိုင်းမှာ ဒေါ်လာဈေးတွေနဲ့ စက်သုံးဆီဈေးတွေကြောင့် ပန်းချီကားကံစမ်းမဲလက်မှတ်ကို သိပ်မတင်ဖြစ်ပေမယ့် လက်မှတ်ရောင်းပေးတာကို ရပ်လိုက်မှာ မဟုတ်ပါဘူးလို့လည်း ဘုန်းဆက်သွင်က ပြောပါတယ်။

ကံစမ်းမဲ လက်မှတ်အစောင် (၃၀၀) အထိကုန်မှ လက်မှတ်ရောင်းတာကို ခဏနားမှာဖြစ်ပြီး လက်တလောမှာ အစောင်ရေ (၃၆) စောင်သာ ရောင်းရသေးတယ်လို့ ဆိုပါတယ်။

ပန်းချီကားတွေကို အလှူရှင်တစ်ယောက်က ကူညီပေးထားတာဖြစ်ပြီး အခရိုင်းလစ် တစ်ပေခွဲ နှစ်ပေ နှစ်ကားနဲ့ နှစ်ပေခွဲ သုံးပေ တစ်ကားတို့ဖြစ်ကာ လက်မှတ်တစ်စောင် ကျပ်တစ်သောင်းနှုန်းနဲ့ တစ်လ ၂၀၀၀ charity group မှာ ဝယ်နိုင်မယ်လို့ သိရပါတယ်။

လာမယ့် ဩဂုတ်လ (၃၀) ရက်နေ့ဟာ သူ့ရဲ့မွေးနေ့ဖြစ်တာ‌ကြောင့် တော်လှန်ရေးမှာ လှူချင်လို့ မွေးနေ့လက်ဆောင်အနေနဲ့ ကံ‌စမ်းမဲတွေ ဝယ်ပေးကြဖို့ကိုလည်း ဘုန်းဆက်သွင်က တောင်းဆိုထားပါတယ်။

သရုပ်ဆောင် ဘုန်းဆက်သွင်ဟာ စစ်အာဏာရှင် ဆန့်ကျင်ရေးမှာ တတ်အားသရွေ့ ပါဝင်ခဲ့တဲ့ အနုပညာရှင်တစ်ဦး ဖြစ်ပြီး စစ်ကောင်စီက ပုဒ်မ ၅၀၅-က နဲ့ အမှုဖွင့် အရေးယူခံထားရပေမယ့် လက်ရှိမှာတော့ လွတ်မြောက်တဲ့နေရာတစ်ခုကို ရောက်ရှိနေတယ်လို့ သိရပါတယ်။

#thenationvoicemyanmar
#ဘုန်းဆက်သွင် #ပန်းချီကားကံစမ်းမဲ