Скачать или смотреть چزڵیک. چێژێتە. کەسکەنە. کۆیەلە. چزڵیق. کەرکی ڕۆن. دووەگ،

پەیامێکی برایانە
مافی بڵاوکردنەوەی تەواوی ئەم بەرهەمانە بەبێ ئاگاداری ئێمە کاردانەوەی دەبێت و سکاڵای یاسایی لەسەر تۆمار دەکرێت




چزڵیک

وەک ئاشکرایە مرۆڤ هەزارەها ساڵە بۆ خواردن پەنای بۆ گۆشت و بەرهەمە ئاژەڵییەکان بردووە، هەوڵی داوە سوود لە هەموو بەشەکانی ئاژەڵەکە ببینێت.

چزڵیک بۆمان دەرئەخات کە باو و باپیرانمان چۆن زیرەکانە ئەم شتەیان جێ بەجێ کردووە.

سەرچاوە مێژووییەکان باس لەوە دەکەن دەڵێن ئەم جۆرە خواردنە ئەکرێ بگەڕێتەوە بۆ سەرەتای شۆڕشی کشتوکاڵی یاخوود پێشتریش، بەڵام ئەوان پێیان وایە کە مرۆڤ پاش ئەوەی جێگیر بووە و وازی لە کۆچەری هێناوە و شارستانیەتی درووست کردووە پاشان ئاژەڵی ماڵی کردووە، ئیتر لەو کاتەوە ئەم جۆرە خواردنانە درووست بوون هەرچەندە بەڵگەکان زیاتر لۆجیکین و هیچ ئاسەوارێک یان نوسراوێک نییە چونکە پێش داهێنانی نوسین بووە.

شێوازی درووستکردنی چزڵیک کارێکی ئاسان و بە بەهایە، لەبەر ئەوەی کاتێکی کەمی پێ دەچێت و بە ئامێرێکی سادە دەتوانرێ چەوری ناو دووگەکە دەربکرێ، جگەلەوەی پاش ماوەی دووگەکەش خەسار نابێت و دووبارە بۆ خواردن بەکار دێتەوە.

دووگ بەپێی ئاژەڵەکە ئەکرێ بەها خۆراکیەکەی بگۆڕێت بەڵام بە شێوەیەکی گشتی ئەتوانین بەم شێوەیە باسی بکەین.

بەهای دووگ

%٨٨ ی چەورییە
%٥ ی ئاوە
۷% ی پڕۆتینە

لە دوای پڕۆسەی چەوریلێگرتن و هەڵکزاندن بە نزیکی ئاوی تێدا نامێنێ و چەورییەکەی لە %۷۰ کەم دەکات بەپێی چەوری لێگرتنەکەی ئەکرێ زیاتر یان کەمتر بێت.

بۆیە ئەو دووگەی دەمێنێتەوە بڕێکی زۆر لە پڕۆتینی تێدایە، ئەمەش لەبەر ئەوەی پڕۆتینەکە لە پڕۆسەی چەوری لێگرتنەکەدا دەمێنێتەوە بە شێوەیەک بۆ نزیکی ۱۰۰ گرام ۳۰ بۆ ٤٥ گرام پڕۆتینی تێدایە.

لە کۆندا ڕۆنە گیراوەکە زۆر بە نرخ بووە و براوە بۆ دەوڵەمەندەکان و دەسەڵاتدارەکان.

پاشماوەکەشی دراوە بە کرێکار یاخوود ئەو کەسانەی کاری زەحمەتییان کردووە چونکە وزەیەکی زۆر باشی تیا بووە.

وە هەروەها ئەم خواردنە زیاتر لە زستاندا باو بووە چونکە خواردنێکی قورسە و گەرمییەکی زۆر دەدات بەلەش.

هەروەها دراویشە بەو کەسانەی کە لە نەخۆشی چاک بونەتەوە بۆ ئەوەی وزەیان بۆ بگەڕێتەوە.




شیکردنەوەی زمانەوانی وشەی چزڵیک
​وشەکە لە سێ بەشی سەرەکی پێک دێت کە هەریەکەیان واتایەکی تایبەتی دەبەخشنە یەکتر: ڕەگ، پاشگر، و پاشگرە بچووککراوەکە.


​١. ڕەگی وشە: چز (Čiz)
​ڕەگی وشەکە بریتییە لە چز، کە بە زۆری ئاماژەیە بۆ دەنگێکی تیژ و خشپەیی یان کردارێکی گەرم و سووتاو:
​واتا فیزیکی (دەنگ): لە زمانی کوردیدا، "چز" یان "چز چز" وەسفی دەنگی سووربوونەوەی چەوری، یان دەنگی سووتانی شتێک لەسەر شتێکی گەرم دەکات. کاتێک ئاو بەسەر ئاسنێکی گەرمدا دەڕژێت، دەنگی چزی لێوە دێت.
​واتا فیزیکی (سووتاو): لە زاراوەی جوگرافیاشدا، "چز" یان "جیز" (لە زاری فارسی و هەندێک زاراوەی کوردی باشوور) دەتوانێت بە مانای وشکبووەوە یان سووتاوی کەم بێت.
​پوختە: ڕەگی چز ئاماژە دەدات بەوەی کە ماددەکە بە پلەیەکی گەرمی بەرز سوور کراوەتەوە و دەنگی خشپەیی لێ هاتووە.


​٢. پاشگر: ڵ (Ł) یان زڵ
​پاشگری "ڵ" لە کوردی و زمانی نزیکیدا زۆرجار بە دوو شێوە بەکار دێت:
​بۆ گەورەیی (وەک "مەزن"): هەندێک جار بە مانای "کڵۆمبوو" یان "ڕەقبوو" بەکار دێت. وەک چۆن دەوترێت "کڵۆم" یان "لکل".
​واتا گشتییەکان: پاشگری -ڵ لەگەڵ ڕەگەکەدا تێکەڵ دەبێت بۆ دروستکردنی ناوی ماددەکە کە بەهۆی گەرمییەوە گۆڕانکاریی بەسەردا هاتووە.


​٣. پاشگر: ـیک (Îk)
​ئەم پاشگرە، پاشگرێکی ناسراوی زمانی کوردییە و بۆ دوو مەبەست بەکار دەهێنرێت:
​بچووککردنەوە (Diminutive): وەک لە وشەکانی ماڵۆچکە یان تۆزیک. لێرەدا، پاشگری ـیک ئاماژە بە وردەیی و پارچەیی ماددەکە دەکات. واتە، ئەو ماددەیە گەرمکراوەی کە ڕەق بووە، ئێستا بووەتە پارچەی ورد.




وەک هەمیشە زۆر سوپاس بۆ تۆ کە خوێنەر بوویت ئەگەر بابەتەکە هەڵەیەکی تێدایە بۆمان ڕاست بکەرەوە ئەگەر زانیارییەکی باس نەکراوت
لایە بۆمان بنوسە ڕێز و خۆشەویستی پێشرەو قبوڵ بفەرموون


بۆ زیاتر ئاگادار بوون لە کارەکانم یان هەر کارێکی تر دەتوانن ڕاستەوخۆ پەیوەندیم پێوە بکەن لەڕێی ئەم بەستەرانە وە.

Instagram
https://www.instagram.com/peshraw_burhan?i...

Snapchat
https://www.snapchat.com/add/peshrawburhan...

Facebook
https://www.facebook.com/share/1FJyzx5cak/

TikTok
https://www.tiktok.com/@_cheezypizza_?_t=Z...