Скачать или смотреть زينة الدنيا تباع بـ سلمنا لليل القتالي 🔥 | حفل ال حبنان | كلمات فلاح بن جمل | اداء جفران بن هضبان

إشترك في القناة وفعل التنبيهات ليصلك كل جديد وحصري .

-
للتواصل وطلب التصاميم والمونتاج :
WhatsApp : 009666506782011

رابط الدخول على الواتس بشكل اسرع :
https://wa.me/966506782011

رابط قناة التلقرام :
https://t.me/Hadi0arja

-
استقرام :   / hadi_arja  
سناب :   / hadi_arja  
تويتر :   / hadi_arja  

الـقـصـيـدة

السلام ورحمة الله من هجوس ومن خيالي
القصيده من هواي ولاسرت بي في هواها

ما شعرت الا موّد وما قصدت الا بـ غالي
والنفوس اللي ورى كثر المعاتب لعنباها

كل ماهب الهوى طولت يامحمد حبالي
وجبت لي عصماً فريده مايقارن محتواها

استلمها بـ الصراحه والحقايق والجزالي
مستوى الشعر الحقيقي مستواها مستواها

وقفتي في محفل الحبنان وانا اخو العيالي
والله ما اذخرها ولا اذخر كل وقفه من وراها

حاذف البسام واغطرف وارحب يا خوالي
ويش صوت المرحبا لاصار مايصدح صداها

بـ الحفل ما دار غير العود الازرق و الدلالي
الله هالله والعلوم الطيبه يسعد مساها

عند بن حبنان يالجفران جر الصوت عالي
هات لي عذب اللحون النادره والا بلاها

انت ي محمد خوي العز حماي التوالي
ابلجٍ قدمه على العليا وعينه في سماها

نادرٍ ماشال هم الوقت وظروف الليالي
يضحك بـ وجهه الليالي كل ما جابت عناها

عدو نجوم المجره كل ما عديت خالي
عامر بن سعود فوق الظن لادارت رحاها

اصوكّ لامن نصيته وارتكى شال الثقالي
من دهاة عجيم واكبار الاكابر و اعقداها

وصبو الفنجال الاشقر صوب قنّاي الغوالي
كل صفراً خشمها قوس الربابه قد قناها

ما تمادى في كنفه الا على خضر المفالي
مرتع القفر الخلاوي مبتغاه و مبتغاها

ذاك ابو عامر طويل الشبر زيزوم الرجالي
شايبٍ لاضاقت الدنيا ما ينشد وش بلاها

الكريم اللي يوصي ب المكارم راس مالي
آتنومس فيه وافخر واتجرى واتباها

يـ ال صالح من جنوب الدار والا من شمالي
الفعايل كيف ماتحفظ نسى الله من نساها

ربعي ال معيض شبت نارها والرمي صالي
يوم ردات البرى والنار تحرق من وطاها

زينة الدنيا تباع بـ سلمنا لليل القتالي
ان حيينا اما حياة العز والا مانباها

في ذرى العجمان يامن و يتغنم كل جالي
عاد الايام بـ مهدها وعاد بقعا في صباها

سيره العجمان ذروه عز وامجاد ومعالي
حي والله سيره العجمان وحي الله نباها

نوم عيني ياسلاطين الزمان اول وتالي
ما طوينا صفحه المجد التليد ولا طواها

من بعد ما طاب فالك يامحمد طاب فالي
والسلام اختام والليله على الطيب مغزاها