Скачать или смотреть 刑偵12丨林保怡角色人格解離終於曝光 陳自瑤獲監製讚演技引爆淚腺

刑偵12丨林保怡角色人格解離終於曝光 陳自瑤獲監製讚演技引爆淚腺

熱播劇《刑偵12》每集都為觀眾發放唔少震撼彈，而一眾演員齊集邊食飯邊追劇，呢集林保怡飾演嘅丁洛風，驚揭原來潛藏咗八種人格，令劇名《刑偵12》嘅數字12之謎開始明朗化，對自己角色一直要大賣關子嘅Bowie，終於可以大解放講丁洛風有人格解離，而起源就係童年陰影引致。監製巢志豪話自劇集播出後，就有好多人追問佢劇情，但係佢預告到劇集尾聲仲有大反轉，比現時劇情更震撼，不過Bowie同陳自瑤都話唔可以劇透。

同Bowie有感情線嘅Yoyo預告嚟緊劇情會引爆大家嘅淚腺，佢話當日拍攝時，攝影師邊拍邊喊，監製都讚Yoyo嗰一幕做得好好，事前為呢場戲而準備咗兩日，Yoyo都話拍攝時自己都控制唔到喊。至於喺劇中有三個唔同人格嘅張振朗，呢次演技亦都大爆發，除咗吳業坤飾演嘅次人格之外，Ronny黎澤恩飾演嘅第三人格亦逐漸浮現，雖然Ronny未正式登場，但係喺宣傳預告中，已經感受到佢有幾邪惡。

振朗話劇情終於講到Ronny飾演嘅暗黑人格終於要走出嚟，仲要暴打傅嘉莉。Ronny話故事亦剖白刑凱最重要嘅事，佢兒時經歷咗咩事，Ronny叮囑大家一定要留意，對於劇情係好重要。振朗、吳業坤同Ronny都話今次合作好愉快，雖然戲中好似互相爭執，但係戲外感情好好，振朗仲大爆有次拍完之後，大家好似有種好需要對方感覺，相約食飯先收工。其實出席飯局前，一眾演員先齊齊現身宣傳活動，吸引大批粉絲到場支持，林保怡、張振朗同傅嘉莉都非常親民同粉絲作近距離互動。

#刑偵12 #林保怡 #八種人格 #大解放 #童年陰影 #監製 #巢志豪 #張振朗 #傅嘉莉 #陳法蓉 #陳自瑤 #淚腺爆發 #戴祖儀 #吳業坤 #黎澤恩 #暗黑人格 #暴打人 #釋放人格 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0