Leyla Əliyevanın Londondakı evinin fotoları yayıldı - Gündəlik xəbərlər (09.05.2016)

Bu Azadlıq A-live-da:

Leyla Əliyevanın London mülkü? - 0:49
Hesablama Palatasının tapdığı pozuntulara görə heç kim həbs olunmur - 1:14
Qələbənin 71-ci ildönümüdür - 6:37
Kiliçdaroğlu: "Türkiyədə saray çevrilişi baş verir" - 8:42
Afinada aksiyaçılar polisi daşa basdılar - 9:42
Trump Putini təriflədi - 10:25
Platininin cəzası yüngülləşdirildi - 11:06
Praqada xalqlar "döyüşdü" - 11:52

Originally published at - http://www.azadliq.org/media/video/27...

-
“The Mail on Sunday” qəzetində David Rose yazır ki, Londonun dəbdəbəli malikanələri korrupsiya ilə əldə olunmuş sərvətin simvoluna çevrilib.

Məqalədə deyilir ki, korrupsiyalı əcnəbi diktatorların və onların rəsmilərinin Londonun bahalı evlərini alması nəticəsində sadə londonluların yaşamaq üçün özlərinə ev alması qeyri-mümkün olub.

Qəzet yazır ki, bu həftə Londonun Lancaster House salonunda keçiriləcək antikorrupsiya sammitində baş nazir David Cameron çox güman, Britaniyanın, çirkli pulların yuyulmasına və mənimsənilməsinə qarşı mübarizənin ön cəbhəsində oldğunu bəyan edəcək.

“Beşmətəbəli binanın altıncı mərtəbəsi”

Məqaləyə əlavə edilmiş şəkillərdən birində Londonun mərkəzindəki penthauslardan – bahalı “cardaq” mənzillərindən biri əks olunub.

“The Mail on Sunday” yazır ki, paytaxtın bahalı və dəbdəbəli Mayfair rayonunda, Park Lane küçəsində yerləşən bu mülkün 4 və 5-ci mərtəblərində yerləşən “çardaq mənzilin” sahibi Azərbaycan prezidenti İlham Əliyevin qızı və kübar xanım Leyla Əliyevadır. (Məqaləni ingilis dilində buradan oxuyun)

“Əliyev ölkənin neft ehtiyatlarından milyardlar əldə edib və sızmış ABŞ diplomatik teletayplarında “mafia bossu”na bənzədilib” – deyilir şəkil sözündə.

Qəzet yazır ki, bu bina və onun mənzilləri ofşor şirkətlərin və Briytaniya firmalarının mürəkkəb şəbəkəsi vasitəsilə qeydiyyatdan keçirilib və bu ofşorlardan birinin direktoru Leyla Əliyevadır.

Lakin hökumətin tənqidçiləri bildririrlər ki, Britaniya hətta öz müstəmləkələrindəki “vergi cənnətlərini” “kitab-dəftərlərini” açdırmaqda və bu məqalədə şəkilləri dərc edilmiş London saraylarının əsl sahiblərinin kim olduğunu dedirtməkdə acizdir.

“The Mail on Sunday” yazır ki, beynəlxalq antikorrupsiya təşkilatı Transparency International ötən il dərc etdirdiyi hesabatda Britaniyanın hüquq-mühafizə orqanlarına istinadən bidirirdi ki, 2004-cü ildən bəri ümumi dəyəri 180 milyon funt sterlinqdən çox olan mülklərə dair cinayət işləri açılıb.

Lakin qəzetin öz məlumatlarına görə, Birləşmiş Krallığın mülkiyyət bazarına yatırılan korrupsiya pullarınının toplam məbləği təxminən 26 milyard dollardır. Bu isə onu göstərir ki, korrupsiyalı pullarla əldə olunan mülkiyyətin yalnız 1 faizi araşdırılıb.

Bu da qeyd olunur ki, belə mülk sahiblərinin dörddə üçü öz kimliklərini ofşorlar vasitəsilə gizlədir.

“The Mail on Sunday” yazır ki, bu cür “məxfiləşdirmənin” ən asan yollarından biri də qeydiyyatın Vircin adaları, Cəbəllütariq və Kayman adaları kimi Britaniya monarxiya protektoratlarında, və ya xarici ərazilərində keçirilməsidir.

Onlar Britaniya bazarına bahalıq gətiriblər

Qəzet böyük təəssüf və məyusluqla yazır ki, sözü gedən antikorrupsiya sammitində Britaniyanın Vircin adaları iştirak etməyəcək.

Məqalə müəllifinin fikrincə, digər tərəfdən David Cameron Vircin adalarına, onun daha böyük şəffafglığa getməsi üçün təzyiq göstərmək niyyətində deyil.